Aktualitet

Njëri ushtroi dhunë ndaj bashkëjetuese dhe tjetri aksidentoi për vdekje 80-vjeçarin, arrestohen dy persona në Durrës

Mësohet se 38-vjeçari me iniciale E.Gj është arrestuar pasi ka ushtruar dhunë ndaj bashkëjetueses së tij. Ndërsa 26-vjeçari me iniciale O.P është arrestuar pasi ka aksidentuar për vdekje një 80-vjeçar. 

26 Qershor 2025, 08:48 Nga E. D
Njëri ushtroi dhunë ndaj bashkëjetuese dhe tjetri aksidentoi
foto ilustruese

DURRËS- Dy persona janë arrestuar nga policia e Durrësit ditën e sotme. Mësohet se 38-vjeçari me iniciale E.Gj është arrestuar pasi ka ushtruar dhunë ndaj bashkëjetueses së tij. Ndërsa 26-vjeçari me iniciale O.P është arrestuar pasi ka aksidentuar për vdekje një 80-vjeçar. 

Njoftimi i Policisë: 

Specialistët për Hetimin e Krimeve të Komisariatit të Policisë Durrës arrestuan në flagrancë shtetasin E. Gj., 38 vjeç, banues në fshatin Shkallnur, pasi ka ushtruar dhunë ndaj bashkëjetueses së tij.

Specialistët e Qarkullimit Rrugor arrestuan në flagrancë shtetasin O. P., 26 vjeç, banues në fshatin Rrashbull, pasi në lagjen nr. 4, Durrës, duke drejtuar automjetin, ka aksidentuar shtetasin Q. L., 80 vjeç, banues në Durrës, këmbësor, i cili për pasojë ka humbur jetën.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës.

policia e durresit

Sondazh

Poll

MË SHUMË