Sport

Tani është zyrtare: Gattuso është trajneri ri i Italisë. Gravina: "Simbol i futbollit italian"...

Ringhio do të prezantohet para shtypit të enjten në orën 11:00 në Romë, ndërsa debutimi do të jetë më 5 shtator, në Bergamo me Estoninë.

15 Qershor 2025, 17:08 Nga DOSJA
Tani është zyrtare: Gattuso është trajneri ri i

ITALI - Gennaro Gattuso është trajneri i ri i Italisë. Njoftimi zyrtar erdhi të dielën pasdite me një shënim në faqen e internetit të FIGC: "Federata Italiane e Futbollit njofton se i ka dhënë rolin e komisionerit teknik të ekipit kombëtar italian Gennaro Gattusos.

Trajneri kalabrez do të prezantohet të enjten, më 19 qershor, në orën 11:00, në Hotel Parco dei Principi në Romë".

“Gattuso është një simbol i futbollit italian, - thotë presidenti i FIGC-së, Gabriele Gravina, - fanela blu është si një lëkurë e dytë për të. Motivimi, profesionalizmi dhe përvoja e tij do të jenë thelbësore për t'u përballur më së miri me angazhimet e ardhshme të ekipit kombëtar.

I vetëdijshëm për rëndësinë e objektivit që duam të arrijmë, e falënderoj për disponueshmërinë dhe përkushtimin e plotë me të cilin e ka pranuar këtë sfidë, duke ndarë projektin e FIGC-së për zhvillimin e përgjithshëm të futbollit tonë, në të cilin fanella blu luan një rol qendror strategjik”.

Gattuso do të debutojë më 5 shtator në Gewiss në Bergamo, shtëpia e Atalantës, në ndeshjen e tretë të vlefshme për kualifikueset e Kupës së Botës 2026 kundër Estonisë. Ai do të shoqërohet nga asistenti i tij historik, Gigi Riccio, por Andrea Barzagli dhe Leonardo Bonucci gjithashtu duhet t'i bashkohen stafit të Azzurrëve, të cilët ashtu si Ringhio e kanë lidhur emrin e tyre me arritjet e mëdha të ekipit kombëtar.

Për më tepër, Cesare Prandelli do të marrë rolin e drejtorit teknik, me detyrën e gjetjes së talenteve të rinj dhe harmonizimit të tyre me nevojat e ekipit kombëtar të të rriturve. 

Kontrata e Gattusos do të jetë e lidhur me Kupën e Botës 2026: nëse kualifikohet, ai do të trajnojë edhe Azzurrët në SHBA, Meksikë dhe Kanada, por nëse Italia dështon në Kupën e Botës të tretë radhazi, kombëtarja do të ndryshojë përsëri trajner.

Gattuso, 47 vjeç, ishte kampion bote me ekipin kombëtar në vitin 2006 në Gjermani. Në karrierën e tij si trajner, ai drejtoi Sion, Palermo, Ofi Creta, Pisa, Milan Primavera, Milan, Napoli, Valencia, Olympique Marseille dhe Hajduk Split. Tani, aventura e re si trajner i Italisë...

 
 
 
 
 
View this post on Instagram
 
 
 
 
 
 
 
 
 
 
 

A post shared by Nazionale Italiana di Calcio (@azzurri)

B.T (Dosja.al)

Sondazh

Poll

MË SHUMË