Sport

Juvja nuk heq dorë nga Victor Osimhen dhe ende synon Ederson…

Bardhezinjtë e Torinos mendojnë për gjëra të mëdha

14 Qershor 2025, 13:38 Nga DOSJA
Juvja nuk heq dorë nga Victor Osimhen dhe ende synon Ederson…

ITALI - Te Juventusi, sulmuesi është gjithmonë përparësi. Bardhezinjtë duan ta mbajnë Kolo Muanin dhe, pas refuzimit të një transferimi në Arabi, interesi për Victor Osimhen është ringjallur. Do të ketë kontakte të reja me Napolin për të provuar ta sjellin nigerianin në Torino. Për mesfushën, ka interes të madh për Ederson nga Atalanta. 

E ardhmja e Dusan Vlahovic do të jetë thelbësore për të kuptuar lëvizjet e Juventusit në treg. Në fakt, në rast të lamtumirës së sulmuesit serb, klubi bardhezi dëshiron t'i japë Igor Tudor dy sulmues. Duke filluar me shpengimin e Kolo Muanit, i cili do të luajë në Kupën e Botës për Klube me bardhezinjtë, por më pas do të kthehet te PSG.

Qëllimi është të rikthehet sulmuesi francez në Torino, duke shfrytëzuar edhe vullnetin e vetë lojtarit. Rruga që të çon te Osimhen është më e ndërlikuar, por ndjesia është se bardhezinjtë do të përpiqen të bëjnë një lëvizje konkrete në ditët në vijim për sulmuesin që largohet nga Napoli.

Megjithatë, ata do të duhet të mposhtin konkurrencën e Galatasaray, i cili tani duket se është në ‘pol’ pas refuzimit përfundimtar të ofertës së Al-Hilal nga nigeriani. 

Ederson për mesfushën

Përveç sulmit, qëllimi i bardhezinjve është të forcojnë edhe mesfushën. Në pozicionin “pole position” është emri i Ederson, i joshur nga arabët e Al-Hilal, të cilët po përpiqen të rezistojnë. Pavarësisht çmimit të lartë, që pritet të jetë rreth 60 milionë, bardhezinjtë mund të vendosin t’i bëjnë një ofertë Atalantës.

Në sfond mbeten emrat e Sandro Tonali dhe Davide Frattesi, dy rrugë të vështira për t’u ndjekur. Ish-lojtari i Milanit duket se është i vendosur të qëndrojë te Newcastle, ndërsa diskutimet në lidhje me të ardhmen e mesfushorit të Interit janë shtyrë deri pas Kupës së Botës për Klube, por shanset që ai të mbetet te zikaltrit mbeten të larta. 

B.T (Dosja.al)

Sondazh

Poll

MË SHUMË