Bota

VIDEO/ Shpërthim masiv në një depo karburanti dhe lubrifikantësh jashtë Moskës, flakët mbulojnë 20 mijë metra katrorë

Zjarri u përhap me shpejtësi, ndërsa ndodhën shpërthime të bombolave ​​të gazit. Sipas mediave ruse, incidenti ndodhi në një depo në Novaya Avenue, ku lëngje të ndezshme ruheshin në fuçi, bombola gazi dhe paleta.

8 Qershor 2025, 11:43 Nga E. D
VIDEO/ Shpërthim masiv në një depo karburanti dhe
pamje nga vendi i ngjarjes

MOSKË- Një zjarr i madh shpërtheu të shtunën në qytetin Pushkino, në periferi të Moskës në një depo që përmbante karburante dhe lubrifikantë. Zjarri u përhap me shpejtësi, ndërsa ndodhën shpërthime të bombolave ​​të gazit. Sipas mediave ruse, incidenti ndodhi në një depo në Novaya Avenue, ku lëngje të ndezshme ruheshin në fuçi, bombola gazi dhe paleta.

 

Depoja në fjalë thuhet se furnizonte edhe ushtrinë ruse. Raportet fillestare thanë se zjarri ishte 8,100 metra katrorë, por brenda pak orësh sipërfaqja e djegur u rrit ndjeshëm, duke arritur në 20,000 metra katrorë. Autoritetet ruse nuk kanë dhënë asnjë shpjegim zyrtar për shkaqet e zjarrit, ndërsa, siç është vënë re nga media ukrainase Channel 24, mediat pro-qeveritare ruse po shmangin raportimin mbi detajet e katastrofës.

 
 

Kanali rus i Telegramit Mash raportoi se në vendngjarje u dëgjuan shpërthime nga bombulat e gazit të vendosura brenda magazinës. Situata u konsiderua aq serioze sa niveli i rrezikut të operacionit u rrit në nivelin 4, ndërsa u vendos që të përfshihej mbështetje ajrore për shuarjen e zjarrit.

Më shumë se 100 zjarrfikës dhe 27 automjete zjarrfikëse u angazhuan për operacionin, i cili u krye në kushte jashtëzakonisht të vështira, ndërsa zjarri po dilte jashtë kontrollit.

shperthim ne moske

Sondazh

Poll

MË SHUMË