Sport

Sylvinho: “Jam i kënaqur me lojën, por jo me rezultatin. Ishte zgjedhja ime për Manajn”

“Ky është moment shumë i mirë i Kombëtares. Me gjithë respektin, një vit më parë ishin 14-15-16 lojtarë, sot kemi 22-23”.

8 Qershor 2025, 03:40 Nga DOSJA
Sylvinho: “Jam i kënaqur me lojën, por jo me rezultatin. Ishte

TIRANE - Trajneri i Kombëtares, Sylvinho, pas ndeshjes analizoi barazimin pa gola që Shqipëria regjistroi në shtëpi ndaj Serbisë. Në prononcimin e dhënë pas ndeshjes për mikrofonin e “Supersport”, ai u shpreh:  

“Mendoj se bëmë një paraqitje të mirë. Jam i kënaqur me lojën, por jo me rezultatin. Në pjesën e parë ishim më mirë, në të dytën u hapëm disi, por ishte një paraqitje dinjitoze. Jam i lumtur për lojtarët e mi, por dhe për tifozët që kishin ardhur për të na ndjekur.

Janë momente të caktuara që vendosin një ndeshje. Penalltia e goditur nga Manaj? Ishte zgjedhja ime. Provuam në stërvitje me disa lojtarë, me Asllanin, Bajramin, Uzunin… në fund vendosëm për Manajn, kjo ishte zgjedhja ime.

Ky është moment shumë i mirë i Kombëtares. Me gjithë respektin, një vit më parë ishin 14-15-16 lojtarë, sot kemi 22-23. Mund të zgjedh mes Brojës në të djathtë me forcë, por kisha në pankinë Uzunin dhe Asanin që ka bërë që me të gjithë bashkë me Bajramin për ta na çuar në Europian. Kemi bërë Europianin falë tyre.

Por ajo që dua të them është e bukur, se trajneri kundërshtar thotë kush luan: Uzuni, Asani apo Broja? Hoxha, Muçi apo Bajrami”? Për ne është shumë e rëndësishme për strategjinë e lojës, është moment i bukur.

Është një moment i bukur për skuadrën, tani kemi shumë lojtarë për të zgjedhur. Nesër do e rishikojmë ndeshjen dhe do të bëjmë zgjedhjet e duhura për ndeshjen e ardhshme”.

B.T (Dosja.al)

Sondazh

Poll

MË SHUMË