Bota

Pse Ukraina nuk është anëtare e NATO-s?

Anëtarët aspirantë pritet të përmbushin kritere të caktuara politike, ushtarake dhe ekonomike. 

30 Maj 2025, 19:10 Nga N.F
Pse Ukraina nuk është anëtare e NATO-s?
Foto

UKRAINË- Presidenti ukrainas, Volodymyr Zelenskyy ka bërë presion që vendi i tij të bëhet anëtar dhe madje ka thënë se do të ishte i gatshëm të “heqte dorë” nga presidenca e tij për ta bërë këtë të ndodhë.

Por Rusia vazhdon të kundërshtojë anëtarësimin e Ukrainës, pasi ka frikë se NATO po i afrohet kufirit të saj. Anëtarët aspirantë pritet të përmbushin kritere të caktuara politike, ushtarake dhe ekonomike. 

Pastaj, nëse të gjithë anëtarët bien dakord, NATO e fton vendin të fillojë bisedimet e pranimit. Ish-shefi i NATO-s, Jens Stoltenberg, më parë tha se Ukraina mund të bashkohej “në planin afatgjatë”, por jo deri pas përfundimit të luftës.

Por sekretari amerikan i mbrojtjes, Pete Hegseth, ka thënë se anëtarësimi i Ukrainës nuk është një “rezultat realist”. Vendet e fundit që iu bashkuan aleancës janë Finlanda, e cila u bashkua në vitin 2023, dhe Suedia, e cila u bë anëtare në vitin 2024.

Pushtimi i Ukrainës nga Rusia i inkurajoi të dy vendet të bashkoheshin me NATO-n.  Disa thonë se ky ishte një autogol nga Vladimir Putin, i cili e kishte filluar luftën me qëllim dobësimin e aleancës, por në fund e inkurajoi rritjen e saj.

Origjina dhe Neni 5

NATO- Organizata e Traktatit të Atlantikut të Veriut - u formua në Uashington DC në vitin 1949 me qëllimin kryesor për të bllokuar zgjerimin në Evropë nga ish-Bashkimi Sovjetik. U krijua nga 12 vende, por tani ka 32 anëtarë.

Në zemër të aleancës mbrojtëse është Neni 5. Ky Neni thotë se një sulm i armatosur kundër një anëtari do të konsiderohet si sulm kundër të gjithëve. NATO nuk ka forcat e veta të armatosura, por secili anëtar kontribuon me forca dhe pajisje në operacione ose ushtrime specifike.

nato ukraina

Sondazh

Poll

MË SHUMË