Bota

Raporti i Drejtorisë së Hetimit Antimafia: Mafia italiane lë mënjanë rivalitetet në kërkim të partneriteteve

Raporti thotë se Cosa Nostra siciliane dhe Camorra napolitane po krijojnë aleanca brenda dhe jashtë vendit, ndërsa Drangetta, me seli në Kalabri, po përqendrohet gjithnjë e më shumë në kontrollin e punëve publike.

27 Maj 2025, 19:54 Nga M.L
Raporti i Drejtorisë së Hetimit Antimafia: Mafia italiane lë
Foto ilustruese

ITALI- Mafia italiane po braktis praktikën e konflikteve të armatosura për përparësi në fusha specifike, duke kërkuar bashkëpunime në trafikun e drogës, rrjetet e prostitucionit dhe pastrimin e parave, nënvizon Drejtoria e Hetimit Antimafia (DIA) në raportin e saj vjetor të publikuar sot.

Raporti thotë se Cosa Nostra siciliane dhe Camorra napolitane po krijojnë aleanca brenda dhe jashtë vendit, ndërsa Drangetta, me seli në Kalabri, po përqendrohet gjithnjë e më shumë në kontrollin e punëve publike.

"Bashkëjetesa ka kultivuar sinergji që janë zhvilluar gradualisht" dhe tani janë të afta të thithin "tensionet dhe fërkimet", tha kreu i DIA-s, Michele Carbone, në një konferencë për shtyp.

Ai paralajmëroi se punët publike të lidhura me planin kombëtar të rimëkëmbjes pas pandemisë Covid-19, planet për të ndërtuar një urë të madhe që lidh Siçilinë me kontinentin dhe përgatitjet për Lojërat Olimpike Dimërore 2026 kërcënohen nga infiltrimi i mafias.

DIA gjithashtu thekson trajnimin teknologjik të anëtarëve të mafias, të cilët tani përdorin kanale komunikimi të koduara dhe mbajnë kontakt me të burgosurit nëpërmjet dronëve. Ata shfrytëzojnë platformat e mediave sociale për të organizuar herë pas here "shfaqje pushteti", me qëllimin përfundimtar të tërheqjes dhe rekrutimit të të rinjve të margjinalizuar, thotë raporti.

mafia italiane

Sondazh

Poll

MË SHUMË