Bota

Ministri i Jashtëm turk, Hakan Fidan takohet me Vladimir Putinin në Moskë/ Diskutuan për çështje dypalëshe në fushat e ekonomisë dhe energjisë

Sipas burimeve diplomatike turke, Fidan dhe Putin diskutuan përpjekjet e fundit që synojnë t'i japin fund luftës midis Rusisë dhe Ukrainës, pas bisedimeve ruso-ukrainase të 16 majit në Stamboll, si dhe çështje dypalëshe në sektorët ekonomikë dhe të energjisë.

26 Maj 2025, 22:32 Nga M.L
Ministri i Jashtëm turk, Hakan Fidan takohet me Vladimir Putinin në
Foto ilustruese

RUSI- Ministri i Jashtëm turk, Hakan Fidan, u takua sot në Moskë me Presidentin rus, Vladimir Putin. Sipas burimeve diplomatike turke, Fidan dhe Putin diskutuan përpjekjet e fundit që synojnë t'i japin fund luftës midis Rusisë dhe Ukrainës, pas bisedimeve ruso-ukrainase të 16 majit në Stamboll, si dhe çështje dypalëshe në sektorët ekonomikë dhe të energjisë.

Ministri i jashtëm turk, i cili ndodhet në një vizitë zyrtare dy-ditore në kryeqytetin rus, më parë u takua me këshilltarin e Presidentit Putin, Vladimir Medinsky, i cili kryesoi delegacionin rus në bisedimet me Ukrainën në Stamboll. Axhenda e ministrit të Jashtëm turk për sot përfshin edhe takime me anëtarët e bordit drejtues të Këshillit të Biznesit Ruso-Turk dhe kreun e Shërbimit të Inteligjencës së Jashtme Ruse, Sergei Naryshkin. Hakan Fidan pritet të takohet nesër, të martën, me Ministrin e Jashtëm rus Sergei Lavrov.

 

hakan fidan vladimir putin

Sondazh

Poll

MË SHUMË