Sport

Sylvinho publikon listën e kuqezinjve për ndeshjen ndaj Serbisë dhe Letonisë!

Trajneri brazilian Sylvinho ka publikuar listën me emrat e grumbulluar për këto dy takime, ku si çdo herë, surprizat nuk mungojnë.

26 Maj 2025, 10:28 Nga DOSJA

TIRANE - Shqipëria do të luajë dy ndeshje të rëndësishme, të vlefshme për Kualifikueset e Botërorit 2026, me Serbinë në Arenën Kombëtare më 7 qershor dhe tre ditë më vonë me Letoninë në Riga.

Trajneri brazilian Sylvinho ka publikuar listën me emrat e grumbulluar për këto dy takime, ku si çdo herë, surprizat nuk mungojnë.

Në portë janë Strakosha, Kastrati, Sherri dhe kampioni i Shqipërisë me Egnatian, Mario Dajsinani.

Në mbrojtje shihet rikthimi i Elseid Hysajt, i cili nuk ishte i pranishëm me Kombëtaren për sfidat me Anglinë dhe Andorrën për shkak të një dëmtimi, ndërsa një tjetër yll i Superiores është Naser Aliji, i cili fitoi Kupën e Shqipërisë me Dinamon.

Në mesfushë dhe sulm nuk ka surpriza, ku të përfshirë janë thuajse të njëjtët lojtarë që u grumbulluan dhe në mars, teksa është rikthyer dhe Mirlind Daku.

Shuëm prej futbollistëve mbyllën javën që lamë pas kampionatet e tyre, me një pjesë të lojtarëve që do të nisin më shpejt grumbullimin, teksa Kristjan Asllani pritet të vijë pas finales së Ligës së kampionëve, ku Interi luan në Mynih përballë PSG-së të shtunën e 31 majit.

Sylvinho publikon listën e kuqezinjve për ndeshjen ndaj Serbisë