Bota

Marco Rubio: SHBA-të po kërkojnë vende të tjera që të deportojnë emigrantët

Që kur u kthye në Shtëpinë e Bardhë në shkurt, republikani ka thënë vazhdimisht se synon të zbatojë një premtim të rëndësishëm të fushatës një program për deportimin masiv të emigrantëve të paligjshëm.

1 Maj 2025, 08:32 Nga E. D
Marco Rubio: SHBA-të po kërkojnë vende të tjera që
foto ilustruese

SHBA- Sekretari i Shtetit i SHBA-së, Marco Rubio, deklaroi se pas El Salvadorit, administrata e Presidentit të SHBA-së, Donald Trump, ka filluar të kërkojë vende të tjera për të deportuar emigrantë të parregullt nga vendet e treta. Dy burime me njohuri për negociatat në vazhdim, të cilët folën në kushte anonimiteti, thanë se Ruanda është ndër vendet me të cilat po zhvillohen bisedime.

"E them këtë pa asnjë qëllim për të kërkuar falje, ne po kërkojmë në mënyrë aktive që vendet e tjera të mirëpresin shtetasit e vendeve të treta. Kjo nuk ka të bëjë vetëm me El Salvadorin", tha Rubio gjatë një takimi të kabinetit të Presidentit Trump në Shtëpinë e Bardhë.

Që kur u kthye në Shtëpinë e Bardhë në shkurt, republikani ka thënë vazhdimisht se synon të zbatojë një premtim të rëndësishëm të fushatës një program për deportimin masiv të emigrantëve të paligjshëm. Në mars, autoritetet amerikane deportuan më shumë se 250 emigrantë, të akuzuar si anëtarë të bandave, në El Salvador, ku u dërguan në një burg të sigurisë maksimale pasi u paguan autoriteteve salvadoriane.

Qeveria e kryeministrit konservator britanik Boris Johnson njoftoi në vitin 2022 një plan shumë të diskutueshëm për të deportuar në Ruandë migrantët që mbërritën ilegalisht në Mbretërinë e Bashkuar. Megjithatë, ajo nuk u zbatua kurrë. Kur mori detyrën në korrik 2024, kryeministri laburist Keir Starmer njoftoi braktisjen e marrëveshjes me Ruandën. Mediat amerikane raportojnë se Uashingtoni po zhvillon bisedime edhe me Libinë.

“Po punojmë me vende të tjera, duke u thënë atyre se duam t’u dërgojmë disa nga qeniet njerëzore më të liga”në Shtetet e Bashkuara," vazhdoi Sekretari i Shtetit Rubio, sipas të cilit vendi në këtë mënyrë do të heqë qafe perversët, pedofilët dhe përdhunuesit e fëmijëve duke përvetësuar frazeologjinë e Presidentit Trump.

Mesazhi i administratës Trump, shtoi ai, është se "nëse doni të keni marrëdhënie të mira me SHBA-në, duhet të pranoni mbrapsht shtetasit tuaj që janë ilegalisht" në vend dhe ne kemi siguruar bashkëpunim historik."

shba

Sondazh

Poll

MË SHUMË