Bota

Ditëlindja e Hilterit/ Vendosen 3 flamujt nazistë mbi hyrjen e një tuneli në Stokholm, qytetarët: Nxitje e urretjes!

Policia u njoftua për flamujt e varura mbi hyrjen e një tuneli në autostradën Essingeleden në orën 07:19 të mëngjesit, dhe ato u hoqën në orën 07:40.

22 Prill 2025, 12:46 Nga N.F
Ditëlindja e Hilterit/ Vendosen 3 flamujt nazistë mbi hyrjen e
Pamje nga vendi i ngjarjes

SUEDI- Tre flamuj të Gjermanisë Naziste janë varur ditën e dielë mbi një autostradë në Suedi. Policia u njoftua për flamujt e varura mbi hyrjen e një tuneli në autostradën Essingeleden në orën 07:19 të mëngjesit, dhe ato u hoqën në orën 07:40.

Essingeleden është një rrugë që kalon nëpër kryeqytetin suedez të Stokholmit dhe është pjesë e rrugëve evropiane E4 dhe E20. Kjo rrugë konsiderohet ndër rrugët më të ngarkuara në Suedi. Zëdhënësi i policisë, Mats Eriksson tha për SVT se pas incidentit ishte paraqitur një raport për nxitjen e urrejtjes ndaj një grupi të popullsisë.

Sipas policisë suedeze, aktualisht nuk ka asnjë të dyshuar. Incidenti u regjistrua në ditëlindjen e liderit nazist Adolf Hitler, që është më 20 prill. Suedia thuhet se pa një rritje të mprehtë të incidenteve antisemitike pas sulmit të Hamasit të 7 tetorit 2023.

suedi hitleri

Sondazh

Poll

MË SHUMË