Aktualitet

Atentati në Tiranë, policia: Katër të plagosur me armë zjarri janë te spitali i Traumës, mes tyre dy të mitur

Grupi hetimor po punon për zbardhjen e rrethanave të ngjarjes, identifikimin dhe kapjen e autorëve.

17 Prill 2025, 22:27 Nga r.ll
Atentati në Tiranë, policia: Katër të plagosur me armë
foto ilustruese

TIRANË- Policia e Tiranës ka dhënë informacione paraprake lidhur me plagosjen e ndodhur mbrëmjen e sotme me armë zjarri në zonën e Lundrës. Bëhet me dije se katër të plagosurit me armë zjarri janë paraqitur në spitalin e Traumës, ku dy prej tyre janë në gjendje të rëndë.

Në mesin e të plagosurve janë edhe dy të mitur të moshave 11 dhe 17 vjeç. Grupi hetimor po punon për zbardhjen e rrethanave të ngjarjes, identifikimin dhe kapjen e autorëve. Një automjet i dyshuar i autorëve raportohet se është gjetur i djegur. 

NJOFTIMI I POLICISË: 

Tiranë/Informacion paraprak

Më datë 17.04.2025, rreth orës 21:50, në spitalin e Traumës, kanë shkuar dyshohet të plagosur me armë zjarri në Lundër, shtetasit A. S., 34 vjeç, K. M., 19 vjeç, dhe dy të mitur të moshës rreth 11 vjeç dhe 17 vjeç.

Është ngritur grupi hetimor dhe nën drejtimin e Prokurorisë vijon puna intensive për zbardhjen e rrethanave të ngjarjes, sekuestrimin e provave që do të shërbejnë për zbardhjen e ngjarjes, identifikimin dhe kapjen e autorëve.

Për këtë ngjarje do të kemi informacion më të zgjeruar pas sqarimit të plotë të rrethanave të rastit.

plagosje ne tirane

Sondazh

Poll

MË SHUMË