Bota

Brukseli thirrje Serbisë: Harrojeni anëtarësimin në BE nëse merrni pjesë në paradën e Fitores më 9 maj në Moskë!

Presidenti serb, i cili ka marrë mbështetjen e Kremlinit në mes të protestave masive kundër qeverisë së tij në muajt e fundit, tha se ai kishte folur me Putinin dhe se ka planifikuar të shkojë në paradë.

15 Prill 2025, 15:33 Nga N.F
Brukseli thirrje Serbisë: Harrojeni anëtarësimin në BE
Vucic

SERBI- Procesi i pranimit të Serbisë në BE është në rrezik pasi Brukseli paralajmëroi Beogradin se mund të ndalojë anëtarësimin e tyre nëse presidenti serb, Aleksandar Vuçiç, merr pjesë në Paradën e Fitores së 9 majit në Moskë.

Presidenti serb, i cili ka marrë mbështetjen e Kremlinit në mes të protestave masive kundër qeverisë së tij në muajt e fundit, tha se ai kishte folur me Putinin dhe se ka planifikuar të shkojë në paradë. Kryeministri sllovak Robert Fico konfirmoi se do të marrë pjesë në paradën e Moskës. Zyra e kryeministrit hungarez Viktor Orban, i cili ka kundërshtuar vazhdimisht BE-në për mbështetjen ndaj Ukrainës, deri më tani ka deklaruar se nuk do të marrë pjesë.

Presidenti turk Rexhep Tajip Erdogan, i cili ka marrë pjesë në vitet e mëparshme, nuk ka gjasa të shkojë këtë vit pasi ai pritet në Uashington në fillim të majit. Presidenti amerikan Donald Trump mohoi raportet e mediave se ai po konsideronte të marrë pjesë në paradën, e cila zhvillohet një ditë pasi Evropa feston fundin e Luftës së Dytë Botërore.

vucic be

Sondazh

Poll

MË SHUMË