Bota

Njujorkezët dynden në supermarkete për produkte të huaja, pritet një rritje e çmimeve

Neil Weinstock, pronar i Beacon Wines and Spirits, dyqani i verërave në Manhattan tha se puna ka shkuar mbarë në orët e fundit, por nuk janë aspak optimistë se si do të shkojnë gjërat në të ardhmen.

5 Prill 2025, 22:47 Nga N.F
Njujorkezët dynden në supermarkete për produkte të huaja,
SHBA

SHBA- Shitjet e prosecco-s dhe verës së prodhuar në Itali, së bashku me ato të shampanjës franceze, ishin rritur disi ditët e fundit. Por pas fjalimit të Donald Trump të mërkurën në mbrëmje dhe më pas përgjatë të enjtes klientët u dyndën dyqaneve, shkruan La Repubblica.

Neil Weinstock, pronar i Beacon Wines and Spirits, dyqani i verërave në Manhattan tha se puna ka shkuar mbarë në orët e fundit, por nuk janë aspak optimistë se si do të shkojnë gjërat në të ardhmen.

Trendi është kombëtar, konfirmon Wall Street Journal, duke i përshkruar amerikanët e tronditur nga shpallja e detyrimeve si “tashmë në modalitetin ‘shto në shportë'”. Në dyqanet online dhe në dyqane, që nga mbrëmja e së mërkurës ka rezervime për të gjitha llojet e produkteve të huaja të preferuara: nga kafeja te çokollata, te salca e sojës dhe, pa harruar verën.

Për të arritur te televizorët e markës japoneze – dhe madje edhe makinat.  Dhe ka gjithashtu një nxitim për objekte amerikane si iPhone dhe Nike, të prodhuara dhe/ose të montuara në Azi dhe për këtë arsye, në të ardhmen e afërt potencialisht më të shtrenjta se sa janë tani.

Nëse nuk mund të quhet tërësisht panikosje, të paktën kur kujtojmë format flagrante me grumbullimin e letrave higjienike në kohën e COVID-it, i shkon afër. Natyrisht, në këtë pjesë të botës gjendja shpirtërore ishte tashmë e keqe përpara shpalljes së detyrimeve, aq më tepër me koston e vezëve kaq të larta – pavarësisht ngadalësimit të përgjithshëm të çmimeve të tjera – saqë vetëm dje New York Times rekomandoi që të ngjyrosin patatet për këtë Pashkë.

shba cmime ushqime te huaja

Sondazh

Poll

MË SHUMË