Sport

VIRALE/ Walker qorton Joao Felixin: "Pasoje topin, këtu askush nuk është Leo Messi"

Anglezi e kujtoi playmakerin portugez gjatë intervalit mes Napolit dhe Milanit

1 Prill 2025, 14:50 Nga DOSJA

VIRALE/ Walker qorton Joao Felixin: "Pasoje topin, këtu askush nuk

ITALI - I mbërritur në janar me udhëzimet specifike të Conceiçao, Joao Felix befasoi vetëm në Kupën e Italisë gjatë Milan-Roma (gol dhe asistim për Gimenez) pa lënë asnjë gjurmë të mëtejshme në fushë midis Serisë A dhe Champions League.

Tani është bërë virale një video ku shfaqet portugezi në një rol negativ gjatë pushimit të pjesës së parë mes Napolit dhe Milanit. Pikërisht në dalje të dhomave të zhveshjes ndërsa kuqezinjtë u rikthyen në fushë në kërkim të rikthimit.

Në video, Walker shihet duke i folur ashpër Joao Felixit: "Pasoje topin, askush këtu nuk është Leo Messi. Kaloje topin". Një ftesë e fortë nga një prej drejtuesve të dhomave të zhveshjes. Asnjë reagim i veçantë nga ish-lojtari i Chelseat, i cili duket se po tund kokën. 25-vjeçari shpejti do të zëvendësohej nga Conceiçao për t'i lënë vend Chukwueze.

Mesazhi i Walker është i qartë: luani si ekip dhe shmangni individualizmin e tepruar. Diçka që Milani do të duhet ta mbajë fort parasysh edhe për derbin me Interin që do të zhvillohet të mërkurën në mbrëmje në San Siro dhe i vlefshëm për ndeshjen e parë gjysmëfinale të Kupës së Italisë.

B.T (Dosja.al)

Sondazh

Poll

MË SHUMË