Bota

VIDEO/ Aeroplani rrëzohet mbi një shtëpi në Minesota dhe shpërthen në flakë, humbin jetën të gjithë personat në bord

Bordi Kombëtar i Sigurisë së Transportit tha se kanë nisur hetimet për zbardhjen e shkakut të përplasjes tragjike, i cili mbetet ende mister.

30 Mars 2025, 09:50 Nga r.ll
VIDEO/ Aeroplani rrëzohet mbi një shtëpi në Minesota dhe
foto nga vendngjarja

SHBA- Një aeroplan i vogël që fluturonte nga Iowa në Minesota në SHBA u rrëzua mbi një shtëpi periferike dhe më pas shpërtheu në flakë duke shkrumbuar edhe banesën. Aeroplani ishte nisur rreth orës 12:20 me orën lokale përpara se të rrëzohej në një zonë banimi të Brooklyn Park, Minesota, tha Administrata Federale e Aviacionit.

Hetuesit thanë se ishte e paqartë se sa njerëz ishin në bordin e avionit, por shefi i zjarrfikësve në Brooklyn Park Shawn Conway tha se nuk kishte të mbijetuar në mesin e pasagjerëve. Ndërkohë askush brenda shtëpisë nuk u raportua i vrarë.

Bordi Kombëtar i Sigurisë së Transportit tha se kanë nisur hetimet për zbardhjen e shkakut të përplasjes tragjike, i cili mbetet ende mister. Videot në mediat sociale tregojnë se shtëpia ku u rrëzua avioni u përfshi nga flakët ndërsa anëtarët e zjarrfikësve lokalë u përpoqën ta shuanin atë.

Brooklyn Park, ku u rrëzua avioni, është një periferi e Minneapolis. Qyteti me 82,000 banorë shtrihet rreth 11 milje në veri. Guvernatori i Minesotës, Tim Waltz tha se ekipi i tij ishte në kontakt me zyrtarët lokalë në vendngjarje në Brooklyn Park dhe se po monitorojnë situatën nga afër.

Ky incident vjen pas një sërë përplasjesh avioni të kohëve të fundit dhe për pak humbje që kanë tërhequr vëmendjen e publikut amerikan pasi Presidenti Donald Trump kishte inkurajuar kabinetin e tij për të bërë shkurtime në agjencitë federale. Qindra punonjës përgjegjës për ndihmën e sigurisë ajrore u pushuan nga puna.

aksident ne minesota

Sondazh

Poll

MË SHUMË