Sport

Manchester City, një kthesë e madhe për të ardhmen e mesfushorit belg De Bruyne…

Pasi i skadon kontrata në qershor, Kevin De Bruyne po përpiqet të mbajë formën e tij në rrugën e duhur këtë sezon, pasi një kthesë e madhe ka ardhur në lidhje me të ardhmen e tij te Manchester Cityn.

2 Mars 2025, 14:30 Nga DOSJA

Manchester City, një kthesë e madhe për të ardhmen e

ANGLI - I 4-ti në Premier League, 20 pikë prapa liderit Liverpool dhe i eliminuar nga Champions League nga Real Madridi, ky është rekordi shumë i trishtë i Manchester Cityt këtë sezon.

Një zbritje në ferr për ekipin, por edhe për Kevin De Bruyne, i cili po lufton për të qëndruar në formë, pavarësisht 34 viteve të tij dhe problemeve të shumta fizike që ka përjetuar muajt e fundit.

Në fund të kontratës së tij në qershor, mesfushori belg mbetet i paqartë për të ardhmen e tij, por ka ardhur një kthesë e madhe që duhet t'i bëjë tifozët e Cityzen të buzëqeshin. 

De Bruyne do të qëndrojë deri në Kupën e Botës 2026 

Ndërsa “Djalli i Kuq” ka marrë oferta të mëdha nga MLS dhe klubet e Arabisë Saudite, ai përfundimisht po mendon të qëndrojë sipas informacioneve nga Mirror.

Ideja është që ai dëshiron të arrijë në gjendjen më të mirë fizike dhe teknike për Kupën e Botës 2026 në Shtetet e Bashkuara, Kanada dhe Meksikë dhe se qëndrimi me ‘Skyblues’ është alternativa më e mirë.

E përditshmja angleze saktëson se klubi duhet t'i ofrojë atij një zgjatje 12-mujore, por me një ulje drastike të pagës së tij, e cila do të shkonte nga 375.000 sterlina në javë në 150.000 sterlina në javë.

Pavarësisht dëshirës për të rindërtuar skuadrën me rekrutimin e lojtarëve të rinj si Marmoush, Reis dhe Khusanov, Pep Guardiola synon të mbështetet në metronomin e tij për të rifilluar makinerinë. 

B.T (Dosja.al)

Sondazh

Poll

MË SHUMË