Sport

Sauditët mohojnë interesimin për Luis Campos të PSG-së: Thashetheme të pabaza!

“Federata e Futbollit të Arabisë Saudite dëshiron të sqarojë se ky informacion është plotësisht i pabazuar”

28 Shkurt 2025, 09:00 Nga DOSJA
Sauditët mohojnë interesimin për Luis Campos të PSG-së:

ARABIA SAUDITE - Ditët e fundit, gazeta franceze Le Parisien zbuloi se Arabia Saudite i kishte vënë syrin Luis Campos, drejtorit sportiv të Paris Saint Germain, kontrata e të cilit skadon në qershor dhe nuk e ka rinovuar ende, pavarësisht marrëdhënieve të shkëlqyera me trajnerin Luis Enrique dhe pronarin Nasser Al Khelaifi.

Sipas gazetës, Federata Saudite e Futbollit, madje i ka ofruar menaxherit një kontratë dhjetëvjeçare me vlerë 20 milionë euro në vit për ta bërë atë në krye të drejtimit teknik të Arabisë Saudite. Megjithatë, ky lajm u përgënjeshtrua ashpër nga SAFF me një shënim zyrtar.

“Në përgjigje të spekulimeve të fundit të mediave në lidhje me negociatat e mundshme me portugezin Luis Campos, drejtor aktual sportiv i Paris Saint-Germain, me synimin për emërimin e tij si kreu i drejtimit teknik të kombëtares, Federata e Futbollit të Arabisë Saudite dëshiron të sqarojë se ky informacion është plotësisht i pabazuar”, thuhet në një deklaratë të Federatës Saudite të Futbollit.

B.T (Dosja.al)

Sondazh

Poll

MË SHUMË