Bota

“A doni që unë të shkoj të notoj"? Trump shkakon reagime të ashpra pas komenteve mbi tragjedinë në Uashington

Presidenti tha të enjten se do të takohej me disa nga familjet e viktimave të tragjedisë, e cila ndodhi në aeroportin Ronald Reagan të mërkurën mbrëma.

1 Shkurt 2025, 18:34 Nga E. D
“A doni që unë të shkoj të notoj"? Trump shkakon
Donald Trump

SHBA- Donald Trump iu është përgjigjur me sarkazëm pyetjeve nëse ai do të vizitonte vendin e përplasjes vdekjeprurëse mbi lumin Potomac në Uashington, duke pyetur gazetarët: “A doni që unë të shkoj të notoj?” Presidenti tha të enjten se do të takohej me disa nga familjet e viktimave të tragjedisë, e cila ndodhi në aeroportin Ronald Reagan të mërkurën mbrëma.

Të 67 personat e përfshirë në aksident supozohen të kenë vdekur, thanë autoritetet më parë. Ndërsa kur u pyet për planet e tij për të vizituar vendin e rrëzimit, ai u përgjigj: “Kam një plan për të vizituar, por jo vendin. Dëshironi që të shkoj të notoj?”

Përdoruesit e rrjeteve sociale ishin të shpejtë për të dënuar komentet e presidentit. Bëhet e ditur se komentet e presidentit erdhën pasi ai nënshkroi një urdhër ekzekutiv që titullohet “Vlerësimi i menjëhershëm i sigurisë së aviacionit”.

“67 njerëz vdesin dhe ai bën shaka? I pashpirt. Ne jemi një vend kaq joserioz ndonjëherë”, shkroi një përdorues.

“Ne duam njerëz më kompetentë. Nuk na intereson se çfarë race janë ata. Ne duam njerëz më kompetentë, veçanërisht në ato pozicione”, tha Trump. 

donald trump

Sondazh

Poll