Aktualitet

Kaloi në Shqipëri mallra kontrabantë, arrestohet një person në Kukës, 2 të tjerë në pranga për trafikim narkotikësh

Sipas njoftimit, specialistët e Seksionit për Hetimin Ekonomik e Financiar në DVP Kukës, në bashkëpunim me shërbimet e Forcës së Posaçme “Shqiponja”, arrestuan në flagrancë R. B., 43-vjeç, banues në Kosovë, për veprën penale “Kontrabanda me mallra të tjera”.

1 Shkurt 2025, 11:07 Nga M.B
Kaloi në Shqipëri mallra kontrabantë, arrestohet një person
Foto ilustruese

KUKËS- Një person është arrestuar në Kukës për kontrabandë mallrash dhe të tjerë për trafikim narkotikësh në Kukës. Sipas njoftimit, specialistët e Seksionit për Hetimin Ekonomik e Financiar në DVP Kukës, në bashkëpunim me shërbimet e Forcës së Posaçme “Shqiponja”, arrestuan në flagrancë R. B., 43-vjeç, banues në Kosovë, për veprën penale “Kontrabanda me mallra të tjera”.

Nga kontrolli, në automjetin e tij policia gjeti mallra elektrike dhe ndërtimi, të cilat dyshohet se u futën në territorin shqiptar jashtë pikës doganore, të cilat u sekuestruan në cilësinë e provës materiale. Ndërkohë, në Pikën Kufitare të Morinës, shërbimet e Policisë Kufitare, arrestuan në flagrancë 2 persona B. S., 24 vjeç, dhe E. O., 25 vjeç, banues në Kosovë, për veprën penale “Trafikimi i narkotikëve”, kryer në bashkëpunim. Materialet procedurale për të dyja rastet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.

kukes

Sondazh

Poll

MË SHUMË