Sport

Solskjaer gati për debutim: “Është normale që lojtarët të jenë pak nervozë”...

Trajneri i ri i Besiktas-it e pranon se përballja me Athletic “është një ndeshje e parë shumë e vështirë” për të debutuar në stol (16:30).

21 Janar 2025, 17:12 Nga DOSJA

Solskjaer gati për debutim: “Është normale që

TURQI - Ole Gunnar Solskjaer tashmë ka filluar të punojë te Besiktas. Të shtunën ai u konfirmua si trajner i ri, ndoqi ndeshjen 0-0 ndaj Samsunsporit, sot drejtoi stërvitjen e parë dhe nesër do të debutojë në pankinë kundër Athletic në Europa League (16:30).

“Është një ndeshje e parë shumë e vështirë. Pak javë më parë ata luajtën ndaj  Fenerbahçes dhe fituan 0-2 me një lojë shumë bindëse. Por ne po përgatitemi mirë dhe jemi gati”, tha norvegjezi në konferencën e mëparshme për shtyp.

Besiktas po kalon një "një situatë të keqe", prandaj Solskjaer mbërriti: "Kur ka një ndryshim trajneri, kjo bëhet për shkak se klubi ka rezultate të këqija. Prandaj e kuptoj si normale që lojtarët të jenë pak nervozë”. 'Shqiponjat e zeza' janë 20 pikë prapa liderit Galatasaray në Superligën turke dhe janë jashtë 24 më të mirëve në Europa League.

Megjithatë, trajneri e konsideron atë si “një fillim të ri” për lojtarët e tij: “Ata kanë energji të freskët, duan të tregojnë atë që dinë të bëjnë. Nuk është vetëm për ndeshjen e ardhshme, është për të ardhmen”.

Ai ka zbritur në Stamboll me idenë e fortë për të “krijuar një kulturë të mirë ekipore”, duke u përmirësuar në veprimet e vendosura dhe duke krijuar gradualisht ideologjinë e tij. “Unë kurrë nuk luaj futboll të ngadaltë, ne duam të luajmë futboll të shpejtë. Tani nuk mund të bëjmë ndryshime rrënjësore, së shpejti do të shohim se cila është rruga përpara”, tha Solskjaer .

Duke parë ndeshjen kundër Athletic, ai theksoi se ata kanë “disa dëmtime në mbrojtje, prandaj do ta kenë pak më të vështirë”. Një aspekt që kufizon skemën që keni në terren. “Në Mançester kam luajtur me 4-2-3-1, gjithashtu me 4-3-3… varet se çfarë u përshtatet lojtarëve. Me dëmtimet aktuale është e pamundur të kesh më shumë se dy qendërmbrojtës”.

B.T (Dosja.al)

Sondazh

Poll

MË SHUMË