Bota

E rëndë në Strasburg/ Përplasen dy tramvaj, raportohet për dhjetëra të plagosur (VIDEO)

Aksidenti ndodhi kur njëri prej tramvajit ndërroi shina dhe u përplas me të dytin, i cili ishte i palëvizshëm në stacionin qendror të Strasburgut. 

11 Janar 2025, 17:36 Nga E. D
E rëndë në Strasburg/ Përplasen dy tramvaj, raportohet
foto ilustruese

STRASBURG- Një aksident i rëndë ka ndodhur mes dy tramvajeve në Strasburg. Mësohet se rreth 30 persona janë plagosur nga përplasja e tramvajeve. 

Aksidenti ndodhi kur njëri prej tramvajit ndërroi shina dhe u përplas me të dytin, i cili ishte i palëvizshëm në stacionin qendror të Strasburgut. Një pasagjer që ishte brenda një tramvaji tha se ata u përplasën me njëri-tjetrin.

 

Shërbimet e urgjencës dislokuan 130 zjarrfikës, 50 automjete shpëtimi dhe vendosën një perimetër të gjerë sigurie.

“Rreth 50 persona janë në gjendje relativisht emergjente, me lëndime si plagë në lëkurën e kokës, fraktura të klavikulës dhe ndrydhje në gju. Por nuk ka lëndime kritike. Mund të kishte qenë shumë më keq”, tha Cellier.

Shkaku i saktë i përplasjes ishte i paqartë, por mediat lokale raportuan se një nga tramvajet po kthehej mbrapsht në atë kohë.

Imazhet e shpërndara në mediat sociale treguan dy makina tramvaji të dëmtuara rëndë, njëra prej të cilave kishte dalë nga shinat në tunel.

Strasburgu, qyteti i parë i madh francez që rivendosi shërbimet e tramvajit, në vitin 1994, nuk kishte përjetuar një aksident të rëndësishëm tramvaji deri më tani. Autoritetet nisën një hetim për të përcaktuar se çfarë e shkaktoi përplasjen. Operacionet e pastrimit vazhduan të shtunën në mbrëmje dhe njerëzit u këshilluan të shmangnin zonën përreth stacionit të trenit.

aksident ne strasburg

Sondazh

Poll

MË SHUMË