Politike

Shpërndarja e re e të ardhurave/ Berisha: Me votën e shqiptarëve me 11 maj firmosim një kontratë të re me çdo qytetar

Në fund të konferencës me gazetarët, Berisha tha se do të ketë shpërndarje të re të të ardhurave për qytetarët, ndërsa shtoi se, në 11 maj do të firmoset një kontratë të re me çdo qytetar.

4 Janar 2025, 13:02 Nga I.A
Shpërndarja e re e të ardhurave/ Berisha: Me votën e
Sali Berisha

TIRANË- Kryetari i PD-së, Sali Berisha nuk la pa përmendur edhe programin e Partisë Demokratike për zgjedhjet e 11 majit. Në fund të konferencës me gazetarët, Berisha tha se do të ketë shpërndarje të re të të ardhurave për qytetarët, ndërsa shtoi se, në 11 maj do të firmoset një kontratë të re me çdo qytetar.

"Një përshëndetje të përzemërt edhe njëherë për qytetarët. I garantoj se PD po vazhdon me intensitet përpunimin e programit të saj, me të cilin ata nuk do jenë më të skajuar për të ardhurat dhe fondet e buxhetit, por do jenë në epiqendër për një shpërndarje të re në mënyrë që të jenë përfitues kryesor, siç janë në çdo vend të lirë dhe demokratik. Vetëm në diktatura, buxhetet dhe pasuritë kombëtare shkojnë për diktatorin, ose në pushtime shkojnë për pushtuesin dhe suitën e tyre. Ky është zotimi ynë për këtë vit të ri dhe ne do i përmbahemi atij. Me votën e shqiptarëve me 11 maj firmosim një kontratë të re me çdo qytetar shqiptar, një kontratë e cila do të ndikojë pozitivisht dhe konkretisht në jetën e mbarë shqiptarëve," tha Berisha.

sali berisha

Sondazh

Poll

MË SHUMË