Sport

Rinovimi i Salah, Carragher: "Do jetë titullar te Liverpool edhe sezonin e ardhshëm!"

"Jemi ende larg një marrëveshjeje. Nuk dua të jap lajme dhe t'i bëj njerëzit të flasin për këtë, por në realitet asgjë nuk ka ndryshuar”,- tha Salah.

1 Janar 2025, 16:04 Nga DOSJA

Rinovimi i Salah, Carragher: "Do jetë titullar te Liverpool edhe

ANGLI - Në moshën 32-vjeçare, Mohamed Salah po shijon padyshim sezonin më të mirë të karrierës së tij. Sulmuesi egjiptian ka arritur tashmë 17 gola dhe 13 asistime në Premier League dhe po e tërheq Liverpoolin e tij në krye të tabelës.

Një dominim absolut, një moment magjik i rrënuar vetëm nga një rinovim kontrate që vonoi të mbërrinte. Ish-lojtari i Romës dhe Fiorentinës në fakt mund ta gjejë veten të lirë në mënyrë sensacionale nga 1 korriku, por sipas Jamie Carragher, marrëveshja mes palëve do të arrihet:

“Për momentin po shikoj situatën e Mohamed Salah dhe Virgil van Dijk dhe nuk jam shumë i shqetësuar nga ato që ata thonë”,- tha ish-mbrojtësi i Reds për Sky Sports UK të hënën.

"Unë pres që gjithçka do të zgjidhet me këta dy lojtarë. Ndoshta jam shumë optimist, por nuk e kuptoj pse Mo Salah nuk mund të luajë për Liverpool sezonin e ardhshëm."

Në fund të ndeshjes së fituar 5-0 të dielën në West Ham, egjiptiani dërgoi sinjale të reja: "Jemi ende larg një marrëveshjeje. Nuk dua të jap lajme dhe t'i bëj njerëzit të flasin për këtë, por në realitet asgjë nuk ka ndryshuar”,- tha Salah, i cili e ka veshur fanelën e Reds që nga viti 2017. Javët e fundit shtypi anglez ka njoftuar një marrëveshje për një zgjatje dyvjeçare, edhe pse nuk ka marrë asnjë konfirmim.

B.T (Dosja.al)