Bota

Tjetër aksident ajror, rrëzohet avioni në Gjermani, dy persona të plagosur

Avioni i tipit Cessna C-172, një mjet ajror me katër vende, ishte nisur në orën 15:39 nga Leutkirch në Allgäu dhe aksidenti thuhet se ka ndodhur në orën 16:21 pranë aeroportit të Stuttgart-it.

29 Dhjetor 2024, 21:33 Nga E. D
Tjetër aksident ajror, rrëzohet avioni në Gjermani, dy persona
foto ilustruese

GJERMANI- Një aksident ajror ka ndodhur pasditen e sotme në aeroportin e Stuttgart-it në Gjermani. Siç raportohet avioni i vogël është rrëzuar disa qindra metra larg pistës së uljes. Avioni i tipit Cessna C-172, një mjet ajror me katër vende, ishte nisur në orën 15:39 nga Leutkirch në Allgäu dhe aksidenti thuhet se ka ndodhur në orën 16:21 pranë aeroportit të Stuttgart-it.

Bëhet e ditur se në momentin e aksidentit, ka qenë errësirë dhe zona përreth aeroportit e mjegullt, gjë që mund të ketë kontribuar në këtë tragjedi. Fillimisht policia mendoi se në avion ndodheshin tre persona, por më pas është konfirmuar se në bord ishin dy persona. Njëri prej tyre ka pësuar dëmtime që rrezikojnë jetën, ndërsa tjetri është plagosur rëndë. Të dy aktualisht ndodhen në spitale.

aksident ne gjermani

Sondazh

Poll

MË SHUMË