Aktualitet

Mjeku ngre alarmin: Ndotësit e komunizmit të kthyer në karakatina ende rrezikojnë jetët e njerëzve

Nga periudha e komunizmit e deri në demokraci ka pasur disa raste të rëndësishme që njihen të cilat janë trajtuar edhe në investigimet e mëhershme të Inside Story.

25 Dhjetor 2024, 22:26 Nga E. D
Mjeku ngre alarmin: Ndotësit e komunizmit të kthyer në karakatina
foto nga emisioni

TIRANË- Shqipëria është përballur dhe më herët me problemet e ndotjeve nga mbetjet e rrezikshme që kanë sjellë pasoja thuajse katastrofike për qyteza të tëra.

Nga periudha e komunizmit e deri në demokraci ka pasur disa raste të rëndësishme që njihen të cilat janë trajtuar edhe në investigimet e mëhershme të Inside Story.

“Kemi fabrikën e sodës kaustike në Vlorë, e cila të gjitha mbetjet e kohës i depozitonte te pylli i Sodës, e gjithë popullata përreth ka vuajtur. Rasti i Metalurgjikut të Elbasanit, kemi pasur dëmtime neurotike, gjenetike të njeriut. Elbasani ka qenë zona më tepër deformime gjenetike dhe filteritet pikërisht për shkak të jetesës aty. Kemi zonën e Patoz Marinëz, dëmet kanë qenë të mëdha dhe përhershme sidomos me organet e frymëmarrjes. Probleme në mushkëri, por dhe dëme të tjera. Bulqiza kemi arsenikun dhe kadmiumin metalet e rënda, kemi probleme të mëdha të helmimeve të gjata” u shpreh Edmond Stojku, mjek.

Rastet e përmendura nga doktori janë një alarm që situata të tilla të mos përsëriten më. Me kalimin e viteve ka një ndërgjegjësim të shtuar për ruajtjen e mjedisit dhe eliminimin e këtyre rreziqeve të mundshme që vijnë nga ekzistenca dhe mostrajtimi si duhet i mbetjeve të rrezikshme. Kjo dhe për shkak të politikave shtrënguese të Bashkimit Europian, por pavarësisht kësaj duket se shpeshherë paralajmërime të tilla bien në vesh të shurdhër./Top Channel 

Sondazh

Poll

MË SHUMË