Bota

Përleshje të fuqishme mes ushtrisë siriane dhe xhihadistëve në Siri, të paktën 57 persona mbeten të vrarë

Rusia, një aleat kyç i regjimit të Asadit, që nga viti 2015 ka ndërhyrë ushtarakisht në luftën civile në Siri dhe shpesh kryen sulme kundër rebelëve në pjesën veriperëndimore të vendit.

27 Nëntor 2024, 20:49 Nga r.ll
Përleshje të fuqishme mes ushtrisë siriane dhe xhihadistëve
foto ilustruese

SIRI- Të paktën 57 persona janë vrarë deri më tani në përleshjet midis ushtrisë siriane dhe xhihadistëve në provincën e Aleppos, në veri të Sirisë, siç raportohet nga Observatori Sirian për të Drejtat e Njeriut.

"Përleshjet pas sulmit nga (grupi xhihadist) Hayat Tahrir al-Sham (HTS) lanë 57 të vdekur: 31 ushtarë të forcave qeveritare dhe 26 nga sulmuesit," tha organizata joqeveritare, e cila është e vendosur në Londër, por mban një rrjet të gjerë të burimeve në Siri.

HTS është një ish-krah i Al-Kaedës që kontrollon grupin e fundit të rezistencës së armatosur ndaj regjimit të Bashar al-Assad në Sirinë veriperëndimore. Për herë të parë në vite, avionët luftarakë sirianë dhe rusë filluan sulme ajrore të koordinuara në rajon, shkruajnë mediat e huaja.

Rusia, një aleat kyç i regjimit të Asadit, që nga viti 2015 ka ndërhyrë ushtarakisht në luftën civile në Siri dhe shpesh kryen sulme kundër rebelëve në pjesën veriperëndimore të vendit.

Regjimi sirian ka rimarrë kontrollin e një pjese të madhe të territorit, me ndihmën e Rusisë dhe Iranit, që nga shpërthimi i luftës civile në vitin 2011, e cila ka vrarë më shumë se 500,000 njerëz dhe ka detyruar miliona të tjerë të ikin nga shtëpitë e tyre.

perleshje ne siri xhihadistet

Sondazh

Poll

MË SHUMË