Sport

Al Hilal në krye të renditjes, Jorge Jesus: “Fjala disfatë nuk është në fjalorin tonë”

Al Hilal mbetet i papërlyer dhe izolohet në krye të ligës saudite

22 Shtator 2024, 15:30 Nga DOSJA

Al Hilal në krye të renditjes, Jorge Jesus: “Fjala disfatë

ARABIA SAUDITE - Al Hilal priti dhe mundi Al Ittihad (3-1), në ndeshjen e madhe të xhiros së 4-të të Ligës Saudite. Krahas të qenit klasik, që në vetvete tashmë sjell me vete arsye të ndryshme interesi, ishte ende kurioziteti i këtyre dy skuadrave që kishin fituar të gjitha ndeshjet e luajtura, gjë që e rriti edhe më tej pasigurinë.

Megjithatë, në Riad jeton një Al Hilal i pangopur, që gllabëron kundërshtarët me një qetësi të frikshme. Në minutën e 37-të, skuadra e Jorge Jesus po fitonte tashmë 3-0, me Mitrovic (2) dhe Al Dawsari që ishin golashënues, duke theksuar edhe dy asistimet e Rúben Neves.

Al Ittihad, me një goditje të shkëlqyer përfundimtare, arriti ta zvogëlojë atë me Benzema (86') dhe madje shënoi në kohën e fundit, por goli u anulua nga VAR. Me këtë rezultat, Al Hilal ngrihet lart dhe izolohet në krye të tabelës.

“Fjala humbje nuk hyn në fjalorin tonë. Ne bëjmë gjithçka për të qenë në krye dhe për t'u sjellë gëzim tifozëve. Objektivi i parë ia arritëm kur fituam Superkupën. Duam të fitojmë Ligën dhe Kupën e Mbretit. Duam të kemi një fushatë të shkëlqyer në Championsin e Azisë dhe Kupën e Botës për Klube”,- paralajmëroi Jorge Jesus.

B.T (Dosja.al)

Sondazh

Poll

Sport 22 Shtator 2024, 14:30

Media turke provokon Jose Mourinhon…

TURQI - Pas bilbilit të fundit në Fenerbahçe-Galatasaray (1-3), Galatasaray provokoi José Mourinhon, duke publikuar në rrjetet so...

MË SHUMË