Kjo ishte biseda e gjashtë telefonike mes tyre gjatë kësaj jave dhe Austin bëri thirrje për një zgjidhje diplomatike të krizës. Izraeli njoftoi të premten se e ka vrarë një komandant të lartë të Hezbollahut dhe figura të tjera të rëndësishme të grupit militant libanez gjatë një sulmi ajror në Bejrut.
SHBA- Sekretari amerikan i Mbrojtjes, Lloyd Austin, ka shprehur të premten përsëri shqetësimin për përshkallëzimin e situatës mes Izraelit dhe Hezbollahut, gjatë një bisede telefonike me homologun e tij izraelit, Yoav Gallant.
Kjo ishte biseda e gjashtë telefonike mes tyre gjatë kësaj jave dhe Austin bëri thirrje për një zgjidhje diplomatike të krizës. Izraeli njoftoi të premten se e ka vrarë një komandant të lartë të Hezbollahut dhe figura të tjera të rëndësishme të grupit militant libanez gjatë një sulmi ajror në Bejrut.
Ky sulm ndodhi pas sulmeve dyditore ndaj këtij grupi, të shpallur organizatë terroriste nga SHBA-ja, gjatë të cilave pajisjet e komunikimit të anëtarëve të grupit, pejxherët dhe radiolidhjet, shpërthyen duke vrarë 37 persona dhe plagosur mijëra të tjerë.
Këto sulme besohet se janë kryer nga Izraeli, i cili as nuk e ka pranuar e as mohuar përfshirjen. Pentagoni tha në një komunikatë se Austini ia përsëriti Gallantit "shqetësimin e tij për përshkallëzimin aktual të shkëmbimit të sulmeve midis Izraelit dhe Hezbollahut".
Më herët të premten, Gallant shkroi në X: "Veprimet në fazën e re do të vazhdojë derisa të arrihet qëllimi ynë: kthimi i sigurt i banorëve të veriut [të Izraelit] në shtëpitë e tyre."
Dhjetëra mijëra njerëz janë evakuuar nga të dyja anët e kufirit Izrael-Liban prej se Hezbollahu filloi të hedhë raketa drejt Izraelit më 8 tetor, në mbështetje të palestinezëve në Gaza, ku Izraeli është duke e luftuar Hamasin – grupit palestinez të shpallur organizatë terroriste nga SHBA dhe BE.
Më herët të premten, Hezbollah e goditi veriun e Izraelit me 140 raketa, një ditë pasi lideri i Hezbollahut, Hassan Nasrallah, u zotua për hakmarrje ndaj Izraelit për shpërthimet vdekjeprurëse të pajisjeve të telekomunikimit në Liban këtë javë.
Hezbollahu edhe Izraeli kanë këmbyer zjarr pothuajse çdo ditë prej 8 tetorit, një ditë pasi nisi lufta mes Izraelit dhe Hamasit – grupit palestinez të shpallur organizatë terroriste nga Shtetet e Bashkuara dhe Bashkimi Evropian.
Megjithatë, sulmi raketor i së premtes ishte më i madh se zakonisht. Nasrallah u zotua të enjten për vazhdimin e sulmeve të përditshme ndaj Izraelit, pavarësisht sulmit vdekjeprurës të kësaj jave në pajisjet e komunikimit të anëtarëve të saj./ REL
pamje nga vendngjarja GREQI- Momente paniku janë regjistruar nga pasagjerët e linjave britanike easyJet që dilnin sot nga avioni me rrë...
fotot ilustruese SHBA- Kandidati republikan për postin e guvernatorit në Karolinën e Veriut, Mark Robinson, tha të enjten se do të...
foto ilustruese SHBA- Kur një banor i Kalifornisë filloi të vinte në dyshim çmimin e faturës së tij të energjis&e...
Foto ilustruese SHBA- Komisioni zgjedhor i shtetit të Xhoxhias, që kontrollohet nga republikanët, votoi me shumicë 3 me 2 të premt...
Oleg Kononenko RUSIA- Dy rusë e kanë vendosur të premten një rekord për qëndrimin më të gjatë të pand&eum...
pamje nga vendngjarja HOLANDË- Prokurorët holandezë thanë sot se njeriu që sulmoi me thikë në Roterdam të enjten mb...
fotot ilustruese BRUKSEL- Bashkimi Evropian u zotua të premten t'i japë Ukrainës deri në 39 miliardë euro si pjesë e një...
KOSOVË- Kryeministri i Kosovës, Albin Kurti do të jetë pjesëmarrës në Forumin e Sigurisë së Varshavës. Lajmi...
Donald Trump SHBA- Ish-presidenti Donald Trump dhe kandidati republikan kritikoi hebrenjtë amerikanë që nuk votuan p&eu...
Kamala Harris dhe Trump Një sondazh i ri tregon se as Kamala Harrisi dhe as Donald Trumpi nuk kanë një epërsi vendimtare tek opinioni p...