Aktualitet

U kap duke transportuar katër emigrantë nga Afganistani kundrejt pagesës, arrestohet në flagrancë i riu në Shkodër

Për pasojë në cilësinë e provës materiale u sekuestrua automjeti.

14 Shtator 2024, 14:17 Nga S.B
U kap duke transportuar katër emigrantë nga Afganistani kundrejt
foto ilustruese

SHKODËR- Një i ri është kapur në flagrancë ditën e sotme në rrugën e fshatit Vukpalaj, duke transportuar emigrantë në mënyrë të jashtëligjshme. Mësohet se S.G 28 vjeç, u kap teksa transportonte 4 persona nga Afganistani, kundrejt pagesës, me qëllim kalimin e paligjshëm të kufirit për në Mal të Zi.

Për pasojë në cilësinë e provës materiale u sekuestrua automjeti.

Njoftimi i policisë:

DVKM Shkodër

Finalizohet nga Policia Kufitare operacioni policor i koduar “Near 2”.

Transportonte 4 shtetas nga Afganistani, kundrejt pagesës, me qëllim kalimin e paligjshëm të kufirit për në Mal të Zi, kapet në flagrancë në fshatin Vukpalaj dhe vihet në pranga 28-vjeçari.

Shërbimet e Stacionit të Policisë Kufitare Bajzë, në vijim të punës për goditjen e aktivitetit kriminal të dhënies ndihmë shtetasve të huaj, kundrejt pagesës, për kalim të paligjshëm të kufirit, në bazë të informacioneve të siguruara në rrugë policore, kanë organizuar në bashkëpunim me shërbimet e Drejtorisë së Policisë Kufitare Shkodër, operacionin policor të koduar “Near 2”.

Në kuadër të operacionit u arrestua shtetasi:

S. G., 28 vjeç, banues në Shkodër.

Ky shtetas u kap në flagrancë nga shërbimet e Policisë Kufitare, në rrugën e fshatit Vukpalaj, duke transportuar me automjetin e tij, kundrejt pagesës, 4 shtetas nga Afganistani me qëllim kalimin e paligjshëm të kufirit për në Mal të Zi.

Në cilësinë e provës materiale u sekuestrua automjeti.

Materialet procedurale i kaluan Prokurorisë, për veprime të mëtejshme.

shkoder policia

Sondazh

Poll

MË SHUMË