Presidenti Volodymyr Zelenskyy tha se Rusia përdori më shumë se 100 raketa dhe rreth 100 dronë gjatë sulmeve që kishin si objektiv "infrastrukturën thelbësore civile".
UKRAINA- Rusia kreu sulme të gjera me dronë dhe raketa kundër Ukrainës të hënën, duke vrarë të paktën tre persona dhe duke ndërprerë energjinë në pjesë të disa qyteteve, bënë të ditur zyrtarët ukrainas. Presidenti Volodymyr Zelenskyy tha se Rusia përdori më shumë se 100 raketa dhe rreth 100 dronë gjatë sulmeve që kishin si objektiv "infrastrukturën thelbësore civile". Në rrjetin social ‘Telegram’, zoti Zelenskyy shkruante se nuk është e drejtë që forcat ukrainase të kufizohen në aftësinë e tyre për të kryer sulme me rreze të gjatë veprimi, në një kohë kur Rusia nuk përballet me kufizime të tilla.
Zyrtarët ukrainas kanë kërkuar prej kohësh liri më të madhe për përdorimin e armëve që marrin nga vendet aleate. Ukraina synon të godasë me to objektiva ushtarake brenda Rusisë, të cilat përdoren për sulme me raketa dhe dronë kundër Kievit.
“Amerika, Britania, Franca dhe partnerët tanë të tjerë, kanë fuqinë për të na ndihmuar që ta ndalim këtë terror”, shkruante zoti Zelenskyy. "Koha për veprim vendimtar është tani", shtonte ai më tej.
Ndërkohë Ministria ruse e Mbrojtjes bëri të ditur se kishte rrëzuar dronë ukrainas mbi rajonet Bryansk dhe Yaroslavl të hënën herët në mëngjes. Guvernatori i Yaroslavlit, Mikhail Yevrayev, tha se një nga dronët ishte rrëzuar përpara se të godiste një rafineri nafte. Sipas Ministrisë ruse të Mbrojtjes rajoni rus i Saratovit ishte objektivi kryesor i sulmeve me dronë ukrainas gjatë natës, duke shtuar se Moska kishte arritur të shkatërronte nëntë prej tyre.
Zyrtarët në Saratov njoftuan se mbetjet e dronëve kishin dëmtuar një kompleks banimi dhe plagosur një person. Guvernatori i rajonit rus të Belgorodit njoftoi për dy të plagosur nga një sulm me dronë ukrainas. Moska njoftoi gjithashtu se mbrojtja e saj ajrore kishte rrëzuar dronë ukrainas mbi rajonet Kursk, Tula, Oryol dhe Ryazan./ VOA
Foto ilustruese GREQIA- Vijojnë të dalin të tjera detaje nga ngjarja e rëndë që tronditi opinionin publik në Greqi ...
Pavel Durov RUSI- Kremlini tha më 26 gusht se nuk ka pranuar asnjë informacion nga Franca pse e ka arrestuar Pavel Durov, miliarderin e lindur n&...
Trump dhe Harris SHBA- Zgjedhjet presidenciale amerikane ka të ngjarë të varen nga rezultati në shtatë shtete të fushëbe...
Foto ilustruese LINDJE E MESME- Izraeli raportohet se ka kryer sulme të reja ajrore ndaj Hezbollahut – grupit libanez të shpallur organizat...
AFGANISTAN- Ngjarjet e tmerrshme të 26 gushtit të vitit 2021 janë ngulitur në kujtesën e Shafiullah Samsorit. Njëzetedyvje&...
UKRAINË- Autoriteti shtetëror i energjisë i Ukrainës njoftoi se po aplikon ndërprerje emergjente të energjisë pas një ...
Olaf Scholz SOLINGEN- Kancelari gjerman, Olaf Scholz, tha të hënën se dëshiron të rrisë deportimet e migrantëve të ...
RUSI- Një gjykatë në Moskë lëshoi një urdhër arresti më 26 gusht për Aleksandra Frolova, një anëtare q&...
SHBA- Plakja ndodh ngadalë e në mënyrë të qëndrueshme por jo vetëm kështu, thotë një studim i ri. Në t&...
Zelensky dhe Erdogan Të krijosh shanse negociimi - ky përmendet gjithnjë si qëllim i mundshëm i Ukrainës, prandaj edhe u...