Aktualitet

Zbardhet plagosja në Postribë/ U konfliktuan se kush kalon i pari rrugën, 3 të arrestuar, 3 në kërkim (EMRAT)

Burime zyrtare thanë se pas hekurave ranë Lulëzim Kakija, Kristjan Kakia dhe Artan Kakija.

14 Gusht 2024, 10:45 Nga r.ll
Zbardhet plagosja në Postribë/ U konfliktuan se kush kalon i pari
policia e shkodres

SHKODËR- Policia ka zbardhur plagosjen e djeshme në Postribë të Shkodrës Zbardhet. Gjatë një konflikti për motive të dobëta, ndërmjet disa personave, u tentua të vritej me armë zjarri 43-vjeçari, Çel Shabaj. 

Në vijim të veprimeve hetimore për këtë rast, u arrestuan 3 shtetas dhe u shpallën në kërkim 3 të tjerë, të implikuar në konflikt. Burime zyrtare thanë se pas hekurave ranë Lulëzim Kakija, Kristjan Kakia dhe Artan Kakija.

NJOFTIMI I POLICISE

Mbrëmjen e djeshme, menjëherë pas ngjarjes, Policia shoqëroi 3 nga shtetasit e përfshirë, si dhe gjeti pistoletën me të cilën u krye plagosja.

Si rezultat i veprimeve të shpejta dhe profesionale hetimore të kryera menjëherë pas ngjarjes së ndodhur rreth orës 20:40 të datës 13.08.2024, në fshatin Postribë, ku gjatë një konflikti për motive të dobëta, ndërmjet disa shtetasve, u plagos me armë zjarri, në këmbë, shtetasi Ç. Sh., 43 vjeç, Forca e Posaçme “Shqiponja” dhe Seksioni për Hetimin e Krimeve ndaj Personit, të DVP Shkodër:

vunë në pranga shtetasit K. K., 29 vjeç, A. K., 28 vjeç dhe L. K., 24 vjeç, të afërm të njëri-tjetrit;
shpallën në kërkim shtetasit Z. K., 28 vjeç, F. L., 25 vjeç dhe A. Rr.,25 vjeç.

Vijojnë kërkimet për kapjen e 3 shtetasve të shpallur në kërkim, si dhe në drejtimin e Prokurorisë së Shkodrës, vijojnë hetimet për të individualizuar përgjegjësinë penale të secilit prej shtetasve të implikuar në këtë rast.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme, për veprat penale “Vrasja me dashje”, mbetur në tentativë, kryer në bashkepunim dhe “Mbajtja pa leje dhe prodhimi i armëve, armëve shpërthyese dhe i municionit”.

dy plagosje ne shkoder postribe

Sondazh

Poll

MË SHUMË