Bota

Pamje të rënda/ Dhunohet për vdekje transgjinorja në Nigeri

Abuja Area Mama kishte një bazë fansash në rrjetet sociale dhe kurrë nuk e përdori emrin e saj të plotë, duke iu referuar ndonjëherë vetes si Ifeanyi.

9 Gusht 2024, 14:43 Nga S.B
Pamje të rënda/ Dhunohet për vdekje transgjinorja në Nigeri
Abuja Area Mama

NIGERI- Policia nigeriane po heton vdekjen e një transgjinoreje dhe TikTokere të njohur si "Abuja Area Mama". Trupi i rrahur dhe i mavijosur i një gruaje transgjinore 33-vjeçare u gjet përgjatë një autostrade në kryeqytet, Abuja, të enjten.

Abuja Area Mama kishte një bazë fansash në rrjetet sociale dhe kurrë nuk e përdori emrin e saj të plotë, duke iu referuar ndonjëherë vetes si Ifeanyi. Nigeria është një shoqëri thellësisht konservatore dhe njerëzit që dalin jashtë normave shpesh janë në shënjestër.

Marrëdhëniet e të njëjtit seks janë kriminalizuar në kombin më të populluar të Afrikës dhe shumë nigerianë LGBTQ+ jetojnë në frikë. Në postimin e saj të fundit në Instagram të mërkurën, Abuja Area Mama kishte thënë se po bëhej gati të shkonte për të takuar të dashurin e saj.

Disa orë më vonë, trupi i saj u gjet përgjatë autostradës Katampe - Mabushi në zonën Banex, Wuse II të Abujas, në atë që dyshohet të jetë një vrasje. Një ekip detektivësh vizituan vendin e ngjarjes të enjten në mëngjes dhe hetimet paraprake zbuluan se individi ishte një burrë i veshur plotësisht me veshje femërore pa mjete identifikimi.

Shtatorin e kaluar, TikTokerja tha se ajo ishte goditur me thikë nga një person i paidentifikuar në rrethana të paqarta. Lajmi për vdekjen e saj ka shkaktuar një shpërthim të madh në rrjetet sociale.

Edhe pse ligjet e Nigerisë garantojnë lirinë nga diskriminimi dhe të drejtën për jetën private dhe familjare, arrestimet masive dhe ndalimi i atyre në komunitetin LGBTQ+ janë të zakonshme - veçanërisht në shtetet veriore.

abuja area mama nigeri

Sondazh

Poll

MË SHUMË