Bota

Stuhia tropikale "Debby" godet Floridën, humbin jetën 4 persona, rrezikohen përmbytje katastrofike

Një djalë 13-vjeçar vdiq pasi një pemë ra në shtëpinë e lëvizshme të familjes së tij në Fanning Springs, në veriperëndim të Floridës, thanë autoritetet lokale.

6 Gusht 2024, 10:33 Nga r.ll
Stuhia tropikale "Debby" godet Floridën, humbin jetën 4
foto ilustruese

SHBA- Stuhia tropikale Debby, e cila goditi Florida në mëngjes me forcën e uraganit, ka shkaktuar vdekjen e të paktën katër personave dhe po rrezikon të shkaktojë përmbytje katastrofike në juglindje të Shteteve të Bashkuara.

Një djalë 13-vjeçar vdiq pasi një pemë ra në shtëpinë e lëvizshme të familjes së tij në Fanning Springs, në veriperëndim të Floridës, thanë autoritetet lokale.

Dy persona të tjerë u vranë në një aksident në Dixie County kur shoferi humbi kontrollin për shkak të motit të keq dhe rrugëve të lagështa, sipas policisë lokale. Një shofer rimorkio vdiq gjithashtu pranë Tampa pasi u zhyt në një kanal.

Uragani Debby, i cili u dobësua dje, të hënën, në një stuhi tropikale në Florida, u zhvendos në drejtim të Gjeorgjisë mbrëmë dhe më pas pritet të dalë në det dhe më pas t'i afrohet Karolinës së Jugut pasnesër, të enjten, sipas Qendrës Kombëtare të Uraganeve të SHBA-së (NHC).

Pasi arritën shpejtësinë 120 km/h, erërat e stuhisë mbrëmë ishin 75 km/h. NHC kishte paralajmëruar se në bregdet niveli i ujit mund të rritet me dy metra.

"Efektet e Debbie sapo kanë filluar dhe do të ndihen gjatë gjithë javës përgjatë një pjese të bregdetit juglindor," paralajmëroi Michael Brennan, drejtor i NHC.

florida stuhia debby

Sondazh

Poll

MË SHUMË