Politike

Teliti: Krimet elektorale në Himarë tregues i domosdoshmërisë për qeveri teknike

Teliti ka renditur edhe disa nga shkeljet e kryera sipas tij në këtë proces zgjedhor.

4 Gusht 2024, 19:09 Nga r.ll
Teliti: Krimet elektorale në Himarë tregues i
dorian teliti

TIRANË- Këshilltari për Çështjet Ekonomike në PD dhe njëkohësisht NënKryetar i Këshillit Bashkiak Tiranë, Dorjan Teliti, ka reaguar lidhur me zhvillimin e procesit zgjedhor në bashkinë e Himarës.

Përmes një postimi në Facebook, Teliti shprehet se sot ishte prova e rradhës që qeveria teknike është e vetmja zgjidhje për të siguruar zgjedhje të lira e të ndershme në 2025. Teliti ka renditur edhe disa nga shkeljet e kryera sipas tij në këtë proces zgjedhor.

POSTIMI I PLOTË: 

Krimet elektorale në Himarë tregues i domosdoshmërisë për QEVERI TEKNIKE! 

Shkeljet e sotme (të urdhëruara nga lart) në procesin zgjedhor janë produkti më i qartë i skemave kriminale dhe manipuluese të vullnetit qytetar. 

Qindra votuesve u mohohet padrejtësisht e drejta e votimit. 

Shtesa listash me "votues të porositur" dhe ndryshime të vendodhjes së qendrave të votimit. 

Në terren janë shpërndarë "për të kryer detyrën" eksponente të botës së krimit. 

Në terren trupa e patronazhistëve dhe shefave të tyre politik po intimodojnë kudo votuesit. 

Kërcënime të raportuara edhe në qendrat e votimit. 

Si mund ti besosh qeverisë aktuale organizimin e zgjedhjeve të ardhshme qëndrore???

Që të ketë zgjedhje dhe jo votime, e vetmja zgjidhje është QEVERIA TEKNIKE!

dorian teliti zgjedhjet ne himare

Sondazh

Poll