Bota

VIDEO/ Habit ish-kryeministri shqiptar i Malit të Zi, Abazoviç sonte bën tifo për Serbinë: Kanë individë të mrekullueshëm, janë një ekip i madh!

Abazoviç gjatë fjalës së tij ka habitur kur është pyetur se cilin ekip do të suportojë ndërsa është shprehur se do të bëjë tifo për Serbinë. Kjo deklaratë e tij u dha teksa po ndiqte mbrëmjen e djeshme ndeshjen mes Italisë dhe Shqipërisë.

16 Qershor 2024, 17:02 Nga N.F

VIDEO/ Habit ish-kryeministri shqiptar i Malit të Zi, Abazoviç sonte

Dritan Abazoviç

GJERMANI- Mbrëmjen e sotme kombëtaret e Anglisë dhe Serbisë do të startojnë rrugëtimin e tyre në Euro 2024 me një përballje mes tyre. Në lidhje me këtë ndeshjë është pyetur ish-kryeministri shqiptar i Malit të Zi, Dritan Abazoviç i cili në një prononcim për RTS-në (televizionin publik serb) ka thënë se "duelin" do ta shikojë në stadium.

“Nesër në mbrëmje do të jem në stadiumin e Gelsenkirchen, duke brohoritur për Serbinë kundër Anglisë. Shpresoj se është koha për befasinë e parë të madhe, edhe një barazim dhe do të ishte rezultat i mrekullueshëm, por pse të mos besoni se Anglia mund të rrëzohet. Serbia ka individë të mrekullueshëm, mendoj se më në fund do të tregojnë se janë një ekip i madh”, tha Abazoviç.

Ndeshja mes dy kombëtareve të grupit C do të mbahet në orën 21:00 në stadiumin "Veltins -Arena". Kjo do të jetë ndeshja e parë për ekipet ndërsa një fitore sonte për cilën do kombëtare do tu japë avantazh kombëtareve për ndeshjet e tjera.

euro 2024 abazoviç serbia