Bota

Lufta në Ukrainë/ Kievi i përgjigjet Putinit: Ka frikë nga paqja e vërtetë sipas kushteve të tij

Mykhailo Podoliak tha se nuk kishte mundësi për të gjetur një kompromis midis deklaratave të Putinit dhe kushteve të Ukrainës për t'i dhënë fund luftës së nisur nga Rusia.

14 Qershor 2024, 15:39 Nga E. D
Lufta në Ukrainë/ Kievi i përgjigjet Putinit: Ka frikë nga
Volodymyr Zelenskyy

RUSI- Një këshilltar i presidentit ukrainas, Volodymyr Zelenskyy, hodhi poshtë propozimin e paqes të paraqitur sot nga Vladimir Putin. Mykhailo Podoliak tha se nuk kishte mundësi për të gjetur një kompromis midis deklaratave të Putinit dhe kushteve të Ukrainës për t'i dhënë fund luftës së nisur nga Rusia.

Të njëjtën çështje e ka ngritur edhe Ministria e Jashtme e Ukrainës në një deklaratë, duke thënë se deklaratat manipuluese të Putinit, vetëm një ditë para fillimit të Samitit të Paqes në Zvicër, tregojnë se Rusia ka frikë nga paqja e vërtetë.

Në të njëjtin njoftim theksohet se qëllimi i presidentit rus është të mashtrojë bashkësinë ndërkombëtare, të minojë përpjekjet diplomatike që synojnë arritjen e një paqeje të drejtë dhe të thyejë unitetin e shumicës botërore rreth qëllimeve dhe parimeve të Kombeve të Bashkuara.

“Është absurde që Putini, i cili planifikoi, përgatiti dhe zbatoi me bashkëpunëtorët e tij sulmin më të madh të armatosur në Evropë që nga Lufta e Dytë Botërore, të paraqitet si paqebërës dhe të paraqesë opsione për përfundimin e luftës që ai filloi, të cilat minojnë themelet e rendi juridik ndërkombëtar dhe Karta e OKB-së”, tha Ministria e Jashtme, duke shtuar se ultimatumet e Putinit tashmë janë dëgjuar shumë herë dhe nuk ka asgjë të re në to.

Përveç kësaj, ministria ukrainase thekson se Ukraina nuk e ka dashur kurrë këtë luftë dhe, si pjesa tjetër e botës, dëshiron që ajo të përfundojë.

volodymyr zelenskyy

Sondazh

Poll

MË SHUMË