Sport

ZYRTARE/ Ingolstadt mbështetet te Sabrina Wittmann: femra e parë që stërvit futbollistë profesionistë në Gjermani

32-vjeçarja kishte marrë rolin në mënyrë të përkohshme në katër ndeshjet e fundit të sezonit të sapopërfunduar

7 Qershor 2024, 09:30 Nga DOSJA

ZYRTARE/ Ingolstadt mbështetet te Sabrina Wittmann: femra e parë

GJERMANI - Sabrina Wittmann është trajnerja e re e Ingolstadt. Lajm historik për futbollin gjerman, pasi për herë të parë një femër vendoset në krye të një ekipi profesionist meshkujsh.

32-vjeçarja kishte marrë rolin në mënyrë të përkohshme në katër ndeshjet e fundit të sezonit të sapopërfunduar dhe dje klubi i nivelit të tretë njoftoi konfirmimin e saj edhe për sezonin 2024/25.

“Kur mora përkohësisht ekipin e parë në maj, shpresova se nuk do të ishte thjesht një moment i shkurtër,”- tha ajo. “Me çdo moment që kalova me ekipin, dëshira ime për të qenë në gjendje të qëndroj në këtë pozicion për një kohë të gjatë u bë më e fortë”.

Wittmann është e pamposhtur, pasi ka arritur dy fitore dhe dy barazime në katër ndeshjet në të cilat është ulur në pankinën e Ingolstadt. Ajo gjithashtu fitoi Kupën rajonale të Bavarisë, duke u kualifikuar kështu në Kupën e Gjermanisë sezonin e ardhshëm.

Gruaja e parë që drejtoi një ekip profesionist për meshkuj ishte Carolina Morace, e cila në 1999 drejtoi Viterbese në Serinë C, por dha dorëheqjen pas disa ndeshjeve.

Në vend të kësaj, Helena Costa ishte gruaja e parë që drejtoi një ekip profesionist futbolli për meshkuj në Francë: ajo u nënshkrua nga Clermont, në divizionin e dytë, në verën e vitit 2014, megjithëse zgjati vetëm një muaj dhe më pas u zëvendësua nga Corinne Diacre.

Kjo e fundit, në vend të kësaj qëndroi në drejtimin e klubit të Ligue 2 për tre sezone, përpara se të bëhej trajnere e kombëtares franceze të femrave. Verën e kaluar ishte radha e Hannah Dingley, menaxhere e Forest Green Rovers për dy javë.