Bota

Presidenti i Argjentinës quan "të korruptuar" gruan e Sanchez, Spanja tërheq ambasadorin në Buenos Aires

Milei e quajti gruan e Sanchez, Begona Gomez, "të korruptuar" gjatë një mitingu në Madrid të organizuar nga partia e ekstremit të djathtë Vox dhe ku morën pjesë shumë nga aleatët e saj ndërkombëtarë.

20 Maj 2024, 07:24 Nga M.B
Presidenti i Argjentinës quan "të korruptuar" gruan e
Presidenti i Argjentinës Javier Milei


MADRID- Spanja tërhoqi ambasadorin e saj në Buenos Aires për konsultime të dielën pasi presidenti i Argjentinës Javier Milei bëri komente nënçmuese për gruan e kryeministrit spanjoll Pedro Sanchez gjatë një mitingu të ekstremit të djathtë në Madrid. Milei e quajti gruan e Sanchez, Begona Gomez, "të korruptuar" gjatë një mitingu në Madrid të organizuar nga partia e ekstremit të djathtë Vox dhe ku morën pjesë shumë nga aleatët e saj ndërkombëtarë.

Ministri i Jashtëm spanjoll Jose Manuel Albares tha se ai priste një falje nga Milei. Ministrat e tjerë dënuan gjithashtu fjalimin e Mileit, në të cilin ai e përshkroi socializmin si "të mallkuar dhe kancerogjen". Sanchez, në fakt drejton Partinë Socialiste të Spanjës.

"Me sjelljen e tij, Milei ka sjellë marrëdhëniet midis Spanjës dhe Argjentinës në gjendjen e saj më serioze në historinë e fundit," tha Albares në një deklaratë video.

Milei nuk do të kërkonte falje, tha zëdhënësi i tij në një intervistë me një kanal televiziv argjentinas më vonë të dielën. Zyrtarët spanjollë duhet të tërheqin fyerjet që kanë bërë kundër tij, shtoi ai.

spanja argjentina

Sondazh

Poll

MË SHUMË