Aktualitet

Tritoli në banesën e gjyqtarit, policia: Shpërblim me 30 mijë euro për këdo që jep informacion për autorin

Sipas njoftimit, krahas veprimeve intensive të grupit hetimor, Drejtoria Vendore e Policisë Shkodër kërkon ndihmën e qytetarëve për identifikimin e personat që shfaqet në pamjet filmike të sekuestruara.

30 Prill 2024, 09:59 Nga M.B
Tritoli në banesën e gjyqtarit, policia: Shpërblim me 30
Gjyqtari

SHKODRA- Lidhur me ngjarjen e raportuar pak ditë më parë ku në ambientet e jashtme të banesës së gjyqtarit në Shkodër, Tonin Sterkaj u vendos një sasi tritoli, ku për pasojë pati një shpërthim, policia njofton se ka vendosur 30 mijë euro për ata që japin informacione për autorët. Sipas njoftimit, krahas veprimeve intensive të grupit hetimor, Drejtoria Vendore e Policisë Shkodër kërkon ndihmën e qytetarëve për identifikimin e personat që shfaqet në pamjet filmike të sekuestruara.

Policia thotë se kushdo që ka informacion duhet ta dërgojë në numrin 069 41 05 436, ndërkohë që garanton anonimat të sigurtë.

Njoftimi:

Drejtoria Vendore e Policisë Shkodër, në lidhje me ngjarjen e ndodhur më datë 28.04.2024, rreth orës 03:00, në lagjen “Tom Kola”, ku në portën e oborrit të banesës së shtetasit Tonin Sterkaj., 62 vjeç, me detyrë Gjyqtar në Gjykatën e Shkallës së Parë të Juridiksionit të Përgjithshëm Shkodër, është hedhur lëndë plasëse, ka ngritur një grup të posaçëm hetimor, me ekspertët më të mirë të DVP Shkodër dhe Departamentit të Policisë Kriminale në Policinë e Shtetit.

Grupi i posaçëm hetimor, në drejtimin e Prokurorisë, ka kryer një sërë veprimesh hetimore dhe procedurale, si dhe vijon punën intensivisht, për administrimin e çdo prove që do t’i shërbejë identifikimit të autorit/ëve, zbardhjes dhe dokumentimin të rrethanave të ngjarjes.

Krahas veprimeve intensive të grupit hetimor, Drejtoria Vendore e Policisë Shkodër kërkon ndihmën e qytetarëve për identifikimin e shtetasit që shfaqet në pamjet filmike të sekuestruara. Për çdo informacion të vlefshëm që do t’i shërbejë hetimit, me qëllim identifikimin e autorit/ëve të rastit, DVP Shkodër vë në dispozicion shpërblimin 30 000 euro.

Kushdo që ka informacion duhet ta dërgojë në numrin 069 41 05 436. Policia e Shtetit iu garanton anonimat të sigurtë. Drejtoria Vendore e Policisë Shkodër siguron qytetarët se është maksimalisht e angazhuar për të garantuar rend dhe siguri publike.

tonin sterkaj

Sondazh

Poll

Aktualitet 30 Prill 2024, 08:33 Redaksia INA Media

Rrjeta e çarë e Amnistisë

Foto ilustruese TIRANA- Amnistia që nisi të ekzekutohet sot ka prodhuar pasojat e para negative. Proçesi që është admi...

MË SHUMË