Aktualitet

Shqipëria del nga monitorimi i KiE/ Rezoluta u votua me 51 vota pro, kush ishin 3 deputetët demokratë që nuk morën pjesë në votim

Pro vendimit kanë votuar 3 deputetet socialiste Blerina Gjylameti, Klotilda Bushka dhe Etilda Gjonaj ndërsa nuk kanë qenë të pranishëm dy deputetët socialistë Eduard Shalsi dhe Aurora Mara.

17 Prill 2024, 22:57 Nga r.ll
Shqipëria del nga monitorimi i KiE/ Rezoluta u votua me 51 vota pro, kush
votimi

TIRANË- Shqipëria ka dalë nga monitorimi nga Këshilli i Europës pas 29 vitesh. Asambleja Parlamentare e Këshillit të Evropës miratoi me votë unanime rezolutën e Komitetit të Monitorimit të Këshillit të Evropës për Shqipërinë. Votimi është zhvilluar mbrëmjen e sotme dhe në fund ka rezultuar me 52 vota pro, asnjë kundër dhe 1 abstenim.

Pro vendimit kanë votuar 3 deputetet socialiste Blerina Gjylameti, Klotilda Bushka dhe Etilda Gjonaj ndërsa nuk kanë qenë të pranishëm dy deputetët socialistë Eduard Shalsi dhe Aurora Mara. Ndërkohë theksohet se në votim nuk kanë marrë pjesë fare 3 deputetët e Partisë Demokratike Lulzim Basha, Jorida Tabaku dhe Ferdinant Xhaferaj.

Në raportin e miratuar nuk mungojnë as kritikat për qeverinë, ku ende çështje shqetësuese mbeten të drejtat e minoriteteve, korrupsioni dhe sistemi drejtësisë tepër i dobët. Një problem me nota pozitive është edhe situata e mediave.

“Këshilli shpreh keqardhje të thellë që, pavarësisht progresit të përgjithshëm në përmbushjen e detyrimeve dhe angazhimeve të tij, mjedisi mediatik ka vazhduar të përkeqësohet në Shqipëri. Ky kthim prapa është serioz” – thuhet ndër të tjera në rezolutë.

Aty kërkohet përmbajtja “nga përdorimi i kërcënimeve dhe retorikës së ashpër kundër gazetarëve që cenojnë sigurinë e tyre fizike dhe aftësinë e tyre për të raportuar. Të dekriminalizohet plotësisht shpifja, në përputhje me standardet ndërkombëtare, dhe të kufizohen gjobat në mënyrë disproporcionale të larta dhe shumat e tepërta të kompensimit që mund të jepen për shpifje, të cilat kanë një efekt rrëqethës ndaj gazetarëve dhe nxisin autocensurën” – thuhet në deklaratën e KiE.

 

keshilli i europes shqiperi

Sondazh

Poll

MË SHUMË