Bota

Lufta në Gaza, Ministri i Jashtëm kinez: Fatkeqësi humanitare, një turp për njerëzimin

Ai më tej shtoi se Kina do të vazhdojë të jetë një vend që bën përpjekje për të rivendosur paqen dhe stabilitetin në shkallë ndërkombëtare. 

7 Mars 2024, 09:07 Nga N.F

 

Lufta në Gaza, Ministri i Jashtëm kinez: Fatkeqësi humanitare,
Wang Yi

KINË- Ministri i Jashtëm i Kinës, Wang Yi e quajti luftën Izrael-Hamas në Rripin e Gazës një turp për njerëzimin dhe përsëriti thirrjen e Pekinit për një armëpushim të menjëhershëm.

"Fakti që sot, në shekullin e 21, ne nuk mund ta ndalojmë këtë fatkeqësi humanitare është një tragjedi, është turp për qytetërimin," theksoi Wang Yi gjatë një konference për shtyp.

Kreu i diplomacisë kineze siguroi se Pekini është në favor të përfshirjes të plotë të shtetit të Palestinës në Kombet e Bashkuara. Ai më tej shtoi se Kina do të vazhdojë të jetë një vend që bën përpjekje për të rivendosur paqen dhe stabilitetin në shkallë ndërkombëtare. 

Ministri i jashtëm i Kinës tha gjithashtu se kushdo që kërkon pavarësinë e Tajvanit do të fshihet nga historia pasi Pekini po merr një ton gjithnjë e më agresiv kundër ishullit. Ministria e Jashtme kineze njoftoi gjithashtu se Pekini do të “mbrojë” të drejtat e tij në Detin e Kinës Jugore, pas një sërë incidentesh me Filipinet në këtë zonë të madhe detare, që pretendohet nga vende të ndryshme aziatike.

 

wang yi kina lufta izral -palestine

Sondazh

Poll

MË SHUMË