Sport

Goditje për Benzema, jashtë nga Champions League e Azisë…

Francezi nuk është në mesin e pesë lojtarëve jo-aziatikë, të zgjedhur nga Al Ittihad për të luajtur në ndeshjen e parë të fazës së 16-të në Uzbekistan në Champions League të Azisë.

13 Shkurt 2024, 14:07 Nga DOSJA
Goditje për Benzema, jashtë nga Champions League e Azisë…

ARABIA SAUDITE - Vit me turbulenca për Karim Benzema. Tani ka dalë kundër rregulloreve të Champions League të Azisë. Francezi është përjashtuar nga trajneri Marcelo Gallardo për ndeshjen e parë të rëndësishme të 1/16-tës së Champions League në Azi. Benzema nuk do të udhëtojë në Uzbekistan, për t'u përballur me Navbahor Namangan (të enjten e ardhshme në orën 15:00) për shkak të kufizimit për lojtarët e huaj.

Benzema do të qëndrojë në Jeddah, pasi nuk është në mesin e pesë lojtarëve joaziatikë të zgjedhur nga Gallardo. Argjentinasi ka zgjedhur qendërmbrojtësin egjiptian Ahmed Hegazy; nga mesfushorët N'Golo Kanté dhe Fabinho dhe nga sulmuesit Romarinho dhe Abderrazak Hamdallah. 

Benzema nuk ka hyrë në listën e Champions për ndeshjen e parë të 1/16-tës për shkak të mungesës së ritmit të garës, kryesisht për shkak të mungesës në parasezonin që Al Ittihad bëri në Dubai. Benzema u stërvit i vetëm në ambientet e klubit në Arabinë Saudite.  Francezi do të vazhdojë me set-up, ndonëse nga pamjet e shpërndara nga klubi saudit ai shihet në gjendje të lakmueshme fizike.

Edhe pse ai ishte bashkuar tashmë me stërvitjet në fushë me pjesën tjetër të shokëve të tij të skuadrës, Benzema, a priori, nuk është 100% dhe Gallardo ka preferuar lojtarë të tjerë të huaj gjatë vizitës së tij në Uzbekistan. Dhe nuk do të jetë aspak një ndeshje e lehtë.  Navbahor ka humbur vetëm një ndeshje në fazën e grupeve (0-2 kundër Al Hilal) dhe tashmë ka gërvishtur një barazim (1-1) në Riad.

B.T (Dosja.al)

Sondazh

Poll

Sport 13 Shkurt 2024, 13:58

Joan Laporta, në kufirin e durimit…

SPANJE - Durimi i Joan Laportës ka filluar të mbarojë. Barazimi ndaj Granadës në Montjuïc (3-3) nxorri të gjithë ze...

MË SHUMË