Bota

Thahen burimet e ujit në Zimbabve, ngordhin rreth 100 elefantë në parkun më të madh kombëtar

Në shtator, Autoriteti i Menaxhimit të Parqeve dhe Jetës së Egër të Zimbabvesë raportoi shumë kafshë duke lëvizur nga parku kombëtar në Botsvanën fqinje në kërkim të ujit dhe ushqimit.

15 Dhjetor 2023, 08:22 Nga a.l
Thahen burimet e ujit në Zimbabve, ngordhin rreth 100 elefantë në
Elefant

ZIMBABVE- Një grup ndërkombëtar për mirëqenien e kafshëve njofton se rreth 100 elefantë kanë ngordhur në parkun më të madh kombëtar të Zimbabvesë pasi burimet e ujit janë tharë.  Fondi Ndërkombëtar për Mirëqenien e Kafshëve tha se sezoni i gjatë i thatësirës ka reduktuar gropat dikur të bollshme të ujit në pellgje me baltë, në Parkun Kombëtar Hëange.

"Të paktën 100 elefantë janë raportuar tashmë të vdekur për shkak të mungesës së ujit," tha IFAW në një deklaratë.

Hëange mbulon më shumë se 14,600 kilometra katrorë dhe është shtëpia e rreth 45,000 elefantëve, shkruajnë mediat e huaja. 

"Pavarësisht se ka 104 gropa me energji diellore, autoritetet e parkut thonë se nuk mjafton dhe nuk përshtatet me temperaturat ekstreme që thajnë gropat ekzistuese të ujit, duke detyruar kafshët e egra të ecin në distanca të gjata duke kërkuar ushqim dhe ujë"," tha IFAW.

Në shtator, Autoriteti i Menaxhimit të Parqeve dhe Jetës së Egër të Zimbabvesë raportoi shumë kafshë duke lëvizur nga parku kombëtar në Botsvanën fqinje në kërkim të ujit dhe ushqimit.

Në vitin 2019, më shumë se 200 elefantë ngordhën në vendin e Afrikës jugore, sipas IFAë, i cili tha se fenomeni po përsëritet. Zimbabve ka rreth 100,000 elefantë, popullsia e dytë më e madhe në botë dhe pothuajse dyfishi i kapacitetit të parqeve të saj, thonë konservatorët. Paneli Ndërqeveritar për Ndryshimet Klimatike e ka klasifikuar Afrikën Jugore si një rajon në rrezik, duke u përballur me një probabilitet të shtuar të nxehtësisë ekstreme dhe reduktimit të reshjeve për shkak të ngrohjes globale. 

elefant

Sondazh

Poll

MË SHUMË