Aktualitet

Lidhjet e vjetra dhe armiqësitë me Aldo Baren, si u rekrutua Tafani në bandën e Laert Haxhiut

Pas daljes nga burgu në 2019-ën, Tafani kërkohej me ngulm nga njerëzit e Laert Haxhiut për t’u bërë pjesë e bandës.

22 Nëntor 2023, 21:50 Nga I.A
Lidhjet e vjetra dhe armiqësitë me Aldo Baren, si u rekrutua Tafani
Foto Ilustruese

LUSHNJE- Artan Tafani, i cili kishte lidhur kontaktet e para me njerëzit e Laert Haxhiut në qeli, vuajti një dënim deri në vitin 2019. Aty, ishte takuar me shtetasin Lulzim Arapi alias Spahiu. Ky i fundit, është mes 12 të arrestuarve në kuadër të operacionit të koduar “KURRË MOS HARRO”.

Pas daljes nga burgu në 2019-ën, Tafani kërkohej me ngulm nga njerëzit e Laert Haxhiut për t’u bërë pjesë e bandës. Profili i tij penal ishte i preferueshëm për grupin, duke shtuar këtu edhe origjinën e përbashkët nga Lushnja. Personi që identifikohet në dosjen hetimore si rekrutues është shtetasi Klaudio Taullau. Laert Haxhiu, kishte lidhur miqësi me armiqtë e përbetuar të Aldo Bares.

Sipas informaconeve konfidenciale, vitet e para të aktivitetit kriminal ai është mbështetur financiarisht nga personazhe të rinj të krimit të organizuar, që kanë synuar shtrirjen në territoret e bandës së Aldo Bares. Mes personazheve që kanë ndihmuar Haxhiun, flitet edhe për një person që ka jetuar në Shtetet e Bashkuara. Por, nuk dihet nëse me fuqizimin që arriti, Haxhiu merrte udhëzime nga të tjerë personazhe.

“Klajdi Taullau, pasi më kishte thënë disa herë që më kërkonte Luli, më ka çuar tek një lokal në Tiranë. Aty ka ardhur Luli me Ligor Romacka, që ka pseudonimin Golja. Me këta të dy kemi shkuar në një lokal në Dajt. Aty ishte Laert Haxhiu që u prezantua si Erisiano Abedini që ka pseudonimin Cano dhe është nga Tepelena. Kemi darkuar të gjithë së bashku dhe Laerti më tha nëse doja të punoja për të dhe më dha 1000 euro që ti kisha para xhepi”, rrëfehu Artan Tafani, i penduari i drejtësisë.

Marrë nga Top Channel

lulzim arapi aldo bare laert haxhiu

Sondazh

Poll

MË SHUMË