Aktualitet

"Iu gjetën 42 mijë euro dhe 10 mijë dollarë falso"/ Arrestohet i shumëkërkuari për vjedhje në Vlorë

Alimuçaj mësohet se ka precedentë të mëparshëm penalë në fushën e narkotikëve dhe armëmbajtjes pa leje.

18 Nëntor 2023, 11:44 Nga h.k
"Iu gjetën 42 mijë euro dhe 10 mijë dollarë
Pamje nga vendngjarja

VLORË-Një 41 vjeçar është arrestuar nga policia e Vlorës pasi akuzohet për grabitjen në një banesë në lagjen “Hajrro Çakërri”. Në pranga ka rënë Mariglen Alimuçaj ndërsa vijon edhe kërkimi për kapjen e bashkëpunëtorit të tij.

Alimuçaj mësohet se ka precedentë të mëparshëm penalë në fushën e narkotikëve dhe armëmbajtjes pa leje.

Gjatë kontrollit në banesën e tij, policia gjeti dhe sekuestroi shuma parash në euro dhe dollarë, të dyshuara të falsifikuara, një dedektor për GPS, një palë targa, automjetin e dyshuar të përdorur në vjedhje, dy celularë dhe veshjet e përdorura gjatë vjedhjes.

Në pamjet e publikuara nga kamerat e sigurisë së banesës, shiohet teks 41 vjeçari në bashkëpunim me një person tjetër kanë hyrë për të grabitur në një shtëpi private.

NJOFTIMI I POLICISË

Vlorë/Finalizohet operacioni policor i koduar “Storm 8”, kundër veprimtarisë kriminale të vjedhjes.

Vodhën një shumë parash në një banesë, në qytetin e Vlorës, identifikohet, kapet dhe vihet në pranga njëri prej autorëve të dyshuar, punohet për identifikimin dhe kapjen e bashkëpunëtorit.

I arrestuari, me precedent të mëparshëm penal në fushën e narkotikëve dhe armëmbajtjes pa leje.

Në banesën e tij, Policia gjeti dhe sekuestroi shuma parash në euro dhe dollarë, të dyshuara të falsifikuara, një dedektor për GPS, një palë targa, automjetin e dyshuar të përdorur në vjedhje, dy celularë dhe veshjet e përdorura gjatë vjedhjes.

Shërbimet e Komisariatit të Policisë Vlorë, në vijim të punës për parandalimin e vjedhjeve, zbardhjen e atyre të ndodhura më parë dhe vënien e autorëve përpara përgjegjësisë ligjore, pas një pune të mirëfilltë hetimore,
organizuan operacionin policor të koduar “Storm 8”, në kuadër të të cilit bënë të mundur identifikimin, kapjen dhe vënien në pranga të shtetasit:

M. A., 41 vjeç, banues në fshatin Babicë e Madhe, me precedent të mëparshëm penal në fushën e narkotikëve dhe armëmbajtjes pa leje.

41-vjeçari dyshohet se në bashkëpunim me një tjetër shtetas (vijon puna për identifikimin dhe kapjen e tij) kanë vjedhur një shumë parash, në banesën e një shtetaseje, në lagjen “Hajro Çakërri”.

Gjatë kontrollit në banesën e të arrestuarit, shërbimet e Policisë gjetën dhe sekuestruan 41 900 euro të dyshuara të falsifikuara, 10950 dollarë të dyshuar të falsifikuar, një dedektor për GPS, një palë targa të huaja, automjetin e dyshuar të përdorur në vjedhje, dy celularë, veshjet e përdorurua nga ky shtetas, një kapele kamuflazhi dhe një palë doreza.

Vijojnë veprimet hetimore për zbardhjen dhe dokumentimin e vjedhjeve të tjera që mund të jenë kryer nga këta shtetas.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.

sali berisha

Sondazh

Poll

MË SHUMË