Bota

22 vjet nga “Marrëveshja e Ohrit” që i dha fund konfliktit të armatosur në RMV

13 Gusht 2023, 14:53 Nga f.i
22 vjet nga “Marrëveshja e Ohrit” që i dha fund konfliktit
foto ilustruese

MAQEDONIA E VERIUT-  Sot në Republikën e Maqedonisë së Veriut shenohen 22 vite nga nënshkrimi i Marrëveshjes Kornizë të Ohrit, me të cilën iu dha fund konfliktit të armatosur në vend. 

Në Kushtetutën e vendit pas shpalljes së pavarësisë nga ish-Jugosllavia në vitin 1991, ishin sjellë disa kufizime për të drejtat e grupeve të tjera etnike në vend, veçanërisht për shqiptarët.

Marrëveshja Kornizë e Ohrit

Marrëveshja Kornizë e Ohrit u nënshkrua më 13 gusht 2001 në rezidencën presidenciale në Vodno në Shkup nga presidenti i atëhershëm i shtetit Boris Trajkovski, kryeministri i atëhershëm dhe lideri i VMRO-DPMNE-së, Ljubço Georgievski, lideri e atëhershëm i LSDM-së, Branko Cërvenkovski, i PPD-së, Imer Imeri dhe PDSH-ja, Arben Xhaferi. Nënshkrimin e marrëveshjes e kanë vënë edhe përfaqësuesit special të BE-së dhe SHBA-së,François Léotard dhe James Perdue. Në bisedimet që filluan në korrik në Shkup dhe më pas vazhduan në Ohër, u konsultuan disa këshilltarë dhe ekspertë. 

Më shumë se 130 ligje, ndryshime ligjore dhe plotësime janë miratuar në vitet e kaluara që nga zbatimi i Marrëveshjes Kornizë të Ohrit, nga të cilat pjesa më e madhe, 59 janë ligje për mosdiskriminim dhe përfaqësim të drejtë, 40 janë në sferën e identitetit. kulturës, edukimit dhe decentralizimit të pushtetit.

 

 

marreveshja e ohrit

Sondazh

Poll

MË SHUMË