Aktualitet

“5 euro për kg të lavandës”, kultivuesi: E eksportoj në Austri, prodhoj mbi 200 ton në vit (VIDEO)

Një nga kultivuesit e kësaj bime tregon se përfitimet janë të mira, por me vështirësi është gjetja e tregut.

13 Korrik 2023, 12:53 Nga DOSJA
“5 euro për kg të lavandës”, kultivuesi: E eksportoj
lavanda

GRAMSH- Kopshtarët e kanë kultivuar dhe rritur bimën lavandës që nga koha romake. Një nga kultivuesit e kësaj bime tregon se përfitimet janë të mira, por me vështirësi është gjetja e tregut. Shefqet Hysa i cili është kultivuesi i bimës së lavandës në Gramsh, në një intervistë për "Euronews Albania" ka rrëfyer se ai ka 30 vite që merret me kultivimin e saj.

“Kam mbi 30 vite që merrem me kultivimin e lavandës dhe mendoj se kam një përvojë të mjaftueshme. Është bimë me leverdi nga e cila mund të vjelim në këtë sezon mbi 200 ton. Sjell përfitime të mira, por duhet gjetur momenti i gjetjes së tregjeve, ne na mungon kjo gjë".

Kultivuesi i lavandës tha se këtë bimë e eksporton në Austri, dhe se përdoret në fushën kozmetike.

“Unë e eksportoj në Austri. Prioriteti im për kultivimin e kësaj bime është se unë e kam të certifikuar organike. Unë me këtë punë merrem. Kjo përdoret në fushën e kozmetikës. Ajo shkon deri në 5 euro kilogrami”, tha kultivuesi.

 

Sondazh

Poll

MË SHUMË