Politike

U zgjodh në krye të Vaut të Dejës/ 15 deputetë kërkojnë verifikimin e Shkrelit, Prokuroria nis verifikimin

Më 25 prill, 15 deputete të PD, kanë kërkuar verifikimin me urgjence të kandidatit të PS në Vaun e Dejës, Kristian Shkreli, pasi rezulton se në vitin 2021, kur ka qenë kandidat për deputet nën siglën e PS, nuk ka deklaruar dëbimin e tij nga Italia në vitin 2007, në formularin e dekriminalizimit

16 Maj 2023, 19:59 Nga k.m.
U zgjodh në krye të Vaut të Dejës/ 15 deputetë
Kristian Shkreli

TIRANË- Kristian Shkreli është vënë në "shënjestër" të Partisë Demokratike. Fituesi i Bashkisë së Vaut të Dejës, kandidati i Partisë Socialiste, mendohet se ka fshehur se një dënim nga Italia, të cilin e ka zbuluar vetëm në garën për kryetar Bashkie. Më 25 prill, 15 deputete të PD, kanë kërkuar verifikimin me urgjence të kandidatit të PS në Vaun e Dejës, Kristian Shkreli, pasi rezulton se në vitin 2021, kur ka qenë kandidat për deputet nën siglën e PS, nuk ka deklaruar dëbimin e tij nga Italia në vitin 2007, në formularin e dekriminalizimit.

Por në vitin 2023 ai ka deklaruar dëbimin, por pa sqaruar më tej se për çfarë është marrë masa ndaj tij, e ashtu se përse e ka fshehur këtë vepër penale. Pas kërkesës së tyre, në Kuvendin e Shqipërisë ka mbërritur një shkresë nga Prokuroria e Përgjithshme, prej të cilës mësohet se Drejtoria e Dekriminalizimit, ka nisur verifikimin e këtij shtetasi.

Ndërkohë, paralelisht për mosdeklarimin e dëbimit në vitin 2021 praktika i është përcjellë Prokurorisë së Tiranës për veprime të mëtejshme për veprën penale të falsifikimit të formularëve parashikuar nga neni 190 i Kodit Penal.

Kristian Shkreli është shpallur fitues në zgjedhjet lokale të dy ditëve më parë, ndërsa ka fituar 55.78 % të votave, duke mundur dy kundërshtarët e tij nga koalicionit Bashkë fitojmë dhe Partia Demokratike.

kristian shkreli

Sondazh

Poll

MË SHUMË