Bota

“Jeni kafshë primitive, xhelozia është mallkim”, dorëhiqet Ministri i Jashtëm i Papua Guinesë së Re pas polemikave për udhëtimin luksoz

Tkatchenko dhe vajza e tij u kritikuan për udhëtimin me të paktën 10 zyrtarë, për të parë kurorëzimin e mbretit Charles, me një kosto prej gati 900.000 dollarë

13 Maj 2023, 08:38 Nga m.s
“Jeni kafshë primitive, xhelozia është mallkim”,
Justin Tkatchenko

Papua Guinea e Re- Ministri i Jashtëm i Papua Guinesë së Re ka dhënë dorëheqjen, pas një polemike mbi shpenzimet për delegacionin zyrtar të vendit në kurorëzimin e mbretit Charles III. Justin Tkatchenko udhëtoi me vajzën e tij Savannah, e cila postoi në video në TikTok, duke treguar udhëtimin e saj të klasit të parë me avion dhe blerjet në Singapor.

Të mërkurën, ai i quajti kritikët e saj "kafshë primitive". Komentet e tij shkaktuan protesta në kryeqytetin Port Morseby të premten, jashtë ndërtesës së Parlamentit.

Papua Guinea e Re është një komb i Komonuelthit në Paqësor, i cili ka mbretin Charles si kreun e shtetit. Në një deklaratë të premten, Justin Tkatchenko tha se kërkon që të dalë e vërteta e kësaj çështje. “Unë gjithashtu dua të siguroj që e vërteta e kësaj çështje të pastrohet dhe dezinformatat dhe gënjeshtrat të korrigjohen”, tha ai.

Tkatchenko dhe vajza e tij u kritikuan për udhëtimin me të paktën 10 zyrtarë, për të parë kurorëzimin e mbretit Charles, me një kosto prej gati 900.000 dollarë, sipas gazetës lokale Post-Courier.

Në videon që u bë virale e tashmë është fshirë, Savannah filmoi vizitën e saj në dyqanet luksoze të modës në Singapor, shkruan BBC.  Kjo nxiti zemërim në Papua Guinenë e Re, ku disa argumentuan se paratë publike do të ishin shpenzuar më mirë për shërbimet bazë.

Tkatchenko sulmoi kritikët e vajzës së tij, gjatë një interviste me ABC të Australisë. "Ajo është absolutisht e traumatizuar nga këto kafshë primitive" tha ai. “I quaj kafshë primitive sepse janë”.

"Xhelozia është një mallkim. Dhe, ju e dini, këta njerëz tregojnë qartë se nuk kanë asgjë për të bërë në jetën e tyre përveçse të përulin njerëzit që duan të bëjnë diçka të mirë për vendin e tyre".

Ai më vonë kërkoi falje për komentet e tij, për të cilat tha se ishin "marrë në rrugën krejtësisht të gabuar".

Justin Tkatchenko shtoi se ata ishin në shënjestër vetëm ndaj individëve që kishin bërë "komente të neveritshme" për vajzën e tij, duke përfshirë kërcënime "seksuale dhe të dhunshme".

Kryeministri James Marape i kërkoi Papua Guineasve të Re të pranonin faljen e Tkatchenko, duke thënë në një deklaratë se edhe ai ishte ofenduar nga këto komente.

Dorëheqja e Tkatchenko vjen përpara vizitës dy-ditore të Modi në Papua Guinenë e Re, duke filluar më 21 maj, e cila do të përkojë me udhëtimin Biden të nesërmen. Shtëpia e Bardhë ka konfirmuar se Presidenti Biden do të ndalojë në Port Morseby pas udhëtimit nga Samiti i Liderëve të G7 në Japoni. /Dosja.al

papua guinea e re justin tkatchenko

Sondazh

Poll

MË SHUMË